Ieffersonia
Ieffersonia (Anglice Jefferson[1][2][3]) est caput Missuriae, civitatis Civitatum Foederatarum, et urbs quinta decima a maxima in civitate.[4] Urbs etiam est sedes Cole Comitatus et principalis Areae Statisticae Metropolitae Urbis Ieffersoniae locus. Plurimae terrae urbanae in Cole Comitatu patent, sed parva regio septentrionalis in Callaway Comitatum extenditur.
Ieffersonia a Thomas Ieffersonio, tertio praeside Civitatum Foederatarum, appellatur. Secundum Rand McNally, societatem technologiae et publicationis, urbs est "Pulcherrimum Americae Oppidum Parvum."[5]
Ieffersonia in septentrionali Planitiei Ozarkianae margine iacet, in meridiano Fluminis Missuriensis latere in regione quae Media Missuria appellatur. Etiam patet in occidentali Rhenaniae Missuriensis margine, unius e maioribus Civitatum Foederatarum Mediarum Occidentalium regionibus ubi vinum colitur. Capitolium Civicum Missuriense tholatus e rupibus in Fluvium Missuriensem ad septentriones despectentibus eminet; quas rupes Lewis et Clark per eorum expeditionem historicam praetergressi sunt, antequam Europaei coloniam ibi constituerant.
Urbs per ludibrium Jeff tantum appellatur.[6]
Notae[recensere | fontem recensere]
- ↑ "Chapter 01 - General Provisions - Laserfiche WebLink".
- ↑ "Cole County, Missouri Place Names, 1928-1945 | The State Historical Society of Missouri".
- ↑ "Welcome to City of Jefferson, Missouri".
- ↑ "Table 10. Rank by 2010 Population and Housing Units: 2000 and 2010" (PDF). US Census Bureau.
- ↑ "Best of the Road by Rand McNally"
- ↑ "Capital of Missouri – Jefferson City ***".
Bibliographia[recensere | fontem recensere]
- Logan, A. L., & Co. 1873. Jefferson City, Mo. In Logan's Railway Business Directory from Saint Louis to Galveston. Urbs Sancti Ludovici: A. L. Logan & Co.
Nexus externi[recensere | fontem recensere]
|
Vicimedia Communia plura habent quae ad Ieffersoniam spectant. |