Marcus Caecilius Metellus
Marcus Caecilius Metellus (natus saeculo 2 a.C.n.; mortuus post annum 111 a.C.n.) vir publicus Romanus fuit.
Gens[recensere | fontem recensere]
Pater eius Quintus Caecilius Metellus Macedonicus consul anni 143 a.C.n. erat. Habuit tres fratres:
- Quintus Caecilius Metellus Balearicus, consul anno 123 a.C.n.
- Lucius Caecilius Metellus Diadematus, consul 117 a.C.n.
- Gaius Caecilius Metellus Caprarius, consul 113 a.C.n.
Praeterea duas sorores Caeciliae Metellae ei fuerunt.
Cursus honorum[recensere | fontem recensere]
Anno 127 a.C.n. IIIvir monetalis fuit, praetor anno 118 a.C.n. aut antea et anno 115 a.C.n. una cum Marco Aemilio Scauro consul fuit. Deinde annis 114 - 111 a.C.n. proconsul Corsicae et Sardiniae fuit. In patriam revertebat et mense Iulii 111 a.C.n. triumphavit. Eodem die Gaius Caecilius Metellus Caprarius frater de Thracis triumphum celebravit[1].
Bibliographia[recensere | fontem recensere]
- Carolus-Ludovicus Elvers, "[I 17] C. Metellus, M." in Der Neue Pauly vol. 2 (Stutgardiae: Metzler, 1997. ISBN 3-476-01472-X) col. 887.
Notae[recensere | fontem recensere]
- ↑ Velleius Paterculus, Historia Romana II 8,2.
| Antecessores: Quintus Fabius Maximus Eburnus et Gaius Licinius Geta |
Consul 115 a.C.n. cum Marco Aemilio Scauro |
Successores: Manius Acilius Balbus et Gaius Porcius Cato |