Hannibalianus

Hannibalianus (natus ignoto anno, mortuus anno 337) propinquus Constantini I imperatoris Romani fuit.

Familia

Pater eius Flavius Iulius Dalmatius, filius Constantii I imperatoris et Theodorae fuit, matris nomen ignotum est. Frater eius Dalmatius erat. Constaninam filiam Constantini I uxorem duxit.

Vita et magistratus

Cum fratre Dalmatio Tolosae rhetore Exsuperio educatus est. Anno 320 Hannibalianus vir nobilissimus nominatus est. Anno 335 post Persas victos Rex Regum et Ponticarum Gentium a Constantino factus est, ut regna in oriente imperii administraret. Sed anno 337 post mortem Constantini ut alii posteriores Theodorae necatus est. Constantina postea Constantii Galli uxor facta est.

Fontes

• Ammianus Marcellinus, XIV 1,2
• Zosimus, Historia Nova, II 39,2; 40,3
• Iulianus, Epistula ad Athenienses, 270 C
• Aurelius Victor, Caesares 41,20

Nexus externi

• Hannibalianus apud roman-emperors.org (lingua Anglica)