Fundus regius

Fundus regius (Theodisce: Königsboden, Ungarice: Királyföld) est nomen pristinum regionis in Transsilvania meridiana sitae. A saeculo duodecimo a Saxonibus, qui dicuntur – re vera coloni e regione Rheni inferioris oriundi, quos rex Hungariae Geza II colonos invitavisset -, colebatur et habitabatur. Quibus Andreas II. anno 1224 diplomate (quod Andreanum vocatur) magna privilegia dedit. Fundus regius ex octo pristinis sedibus Saxonum (Theodisce: Sachsenstühle) nominibus Broos (Latine: Saxopolis), Groß-Schenk, Hermannstadt ((Latine: Cibinium), Leschkirch, Mühlbach (Latine: Saxo-Sabesum^[1]), Reps, Reußmarkt et Schäßburg (Latine: Castrum Sex sive Saxoburgum^[2]) constabat, cui regioni postea etiam sedes Mediasch (Latine: Mediesus sive Media^[3]) et Schelken accesserunt. Fundo regio, cuius primaria civitas erat urbs Cibinium, comes Saxonicus praestabat. Mox ea iura etiam ad regiones circa Coronam ("Burzenland") et Bystriciam ("Nösnerland") sitas extensa sunt. Anno 1876 Fundus regius Regno Hungariae iunctus privilegiis amissis in comitatus Klein-Kokelburg (Latine: Villa Cuculiensis Castri sive Castrum Kukuleu^[4]) et Cibinium divisum est. Post bellum mundanum I. Transsilvania cum fundo regio Romaniae adiuncta est. Hoc tempore, cum incolae linguae Theodiscae magna ex parte emigravissent, regio imprimis a Valachis incolitur.

Conspectus nominum locorum

Latine^[5]	Theodisce	Hungarice	Dacoromanice
Fundus regius	Königsboden	Királyföld	Pământul crăiesc, Pământul saşilor
Transsilvania	Siebenbürgen	Erdély	Ardeal
Sedes Saxonum	Sachsenstühle	Szász Székek	Scaunele Săseşti
Saxopolis	Broos	Szászváros	Orăştie
	Groß-Schenk	Nagysink	Cincu
Cibinium	Hermannstadt	Nagyszeben	Sibiu
	Leschkirch	Újegyház	Nocrich
Saxo-Sebesum	Mühlbach	Szászsebes	Sebeş
	Reps	Kőhalom	Rupea
	Reußmarkt	Szerdahely	Miercurea Sibiului
Castrum Sex, Saxoburgum	Schäßburg	Segesvár	Sighişoara
Mediesus, Media	Mediasch	Medgyes	Mediaş
	Schelken	Nagyselyk	Şeica Mare
Corona	Kronstadt	Brassó	Braşov
Bystricia (Bistricia), Bistricium	Bistritz	Beszterce	Bistriţa
	Burzenland	Barcaság	Ţara Bârsei
	Nösnerland	Naszód vidéke	Ţara Năsăudului

↑ Wolfgangi de Bethlen Historiarum de rebus Transsilvanicis liber undecimus (ed. a Josepho Benkö), Cibinii 1789, p. 222
↑ de:Schäßburg
↑ (confer Graesse)
↑ de:Cetatea de Baltă
↑ Quibusdam locis sunt plura nomina latina, quorum tantum unum vel duo ponuntur.

Lege etiam

Myß, Walter (Ed.): Die Siebenbürger Sachsen LEXIKON, Herbipoli 1993. ISBN 3-8083-2018-4
Kroner, Michael: Geschichte der Siebenbürger Sachsen. Norimbergae, 2007, ISBN 978-3-00-021583-4

[1] Wolfgangi de Bethlen Historiarum de rebus Transsilvanicis liber undecimus (ed. a Josepho Benkö), Cibinii 1789, p. 222

[2] :Schäßburg

[3] (confer Graesse)

[4] :Cetatea de Baltă

[5] Quibusdam locis sunt plura nomina latina, quorum tantum unum vel duo ponuntur.

[1]

[2]

[3]

[4]

[5]