Roman numeral 10000 CC DD.svg

Ferdinandus de Saussure

E Vicipaedia
Salire ad: navigationem, quaerere

Ferdinandus de Saussure, vulgo Ferdinand Mongin de Saussure (natus die 26 Novembris 1857 Genava; mortus die 22 Februarii 1913 in loco Vufflens-le-Château pago Valdensi), fuit philologus Helveticus linguarum Indoeuropaearum peritus.

Wikidata-logo.svg Ferdinandus de Saussure
Res apud Vicidata repertae:
Ferdinandus de Saussure: imago
Ferdinandus de Saussure: subscriptio
Nativitas: 26 Novembris 1857; Genava
Obitus: 22 Februarii 1913; Q69445
Patria: Helvetia
Ferdinandus de Saussure

De vita[recensere | fontem recensere]

Saussure, filius Heinrici de Saussure, in multis erat, qui eo tempore linguae studebant; philologi Graeca antiqua, Latina, atque Sanscrita eruditi, quarum studium, quo comparabantur morphologicae inter linguas similitudines, generaverat opinionem familiae linguarum Indoeuropaearum. Cum unum annum Berolini studeret, opus perfectum Mémoire sur le système primitif des voyelles dans les langues indo-européennes (1879) scripsit. Lipsiae anno 1880 doctor factus est magisterque Lutetiae erat annos undecim. Genevam anno 1891 rediit ibique universitate docere coepit cursum linguisticae generalis.

De doctrina[recensere | fontem recensere]

Modum de lingua cogitandi instigavit, quod linguam dictam scriptae praetulit. Quae cogitatio praecipue quaestiones linguisticas saeculi vicesimi informavit.

De lingua aliisque signorum compagibus investigandis praecepta dedit tribus acroasibus annis 1900 atque ineuntibus annis 1910 habitis. Quae praecepta ad structuram linguae humanae ratione scientifica investigandam quam plurimum contulerunt. Qua de causa Saussure a multis structuralismi pater et semiologiae[1] praecursor habetur.

Hodie nomen Ferdinandi de Saussure notum est praesertim libro Cours de linguistique générale inscripto, a Carolo Bally et Alberto Sechehaye collegiis ex illius acroasibus collecto. Cours ille primum anno 1916 e prelo exiit, denuo autem anno 1922. Quo in libro complures notiones utiles ad humanae linguae structuram explicandam descriptae sunt, sicut synchronia et diachronia, langue et parole, natura arbitraria signi linguistici, significatum et significans, locutio et scriptio, relationes syntagmatica et associativa.

Opera selecta[recensere | fontem recensere]

  • Écrits de linguistique générale, (ediderunt Simeonus Bouquet et Rudolphus Engler), (Lutetia 2002) ISBN 2-07-076116-9.

Bibliographia[recensere | fontem recensere]

  • Simeonus Bouquet: Introduction à la lecture de Saussure. (Lutetia 1997).
  • Francisca Gadet: Saussure, une science de la langue. (Lutetia 1987).
  • Robertus Godel: Les sources manuscrites du Cours de linguistique générale. (Lutetia 1969).
  • Ioannes E. Joseph: Saussure. (Oxonia 2012).
  • Carolina Sanders: The Cambridge Companion to Saussure. (Cantabrigia 2004).

Nexus externi[recensere | fontem recensere]

Commons-logo.svg Vicimedia Communia plura habent quae ad Ferdinandum de Saussure spectant.

Notae[recensere | fontem recensere]

  1. Johannes Fehr: Linguistik und Semiologie. Notizen aus dem Nachlass. Texte, Briefe und Dokumente. (Francoforti 2003).