Communitas Europaea Alsatiae

E Vicipaedia
Jump to navigation Jump to search
Insigne novae Communitatis.

Communitas Europaea Alsatiae (Franciceː Collectivité européenne d'Alsace, CeA) est communitas localis Francogallica die 1 Ianuarii 2021 creata e confusione consiliorum (Conseils départementaux) Rheni Superioris et Rheni Inferioris. Nam duo praefecti Reipublicae Francicae ut antea permanent quamquam duo consilia ab incolis electa in unum merguntur. Caput novae CeA Argentorati situm est. Haec creatio desideratis Alsatiorum respondet aegre ferentium quod post regionem Magnum Orientem anno 2016 creatam nomen Alsaticum omnino oblitteratum esset, cui regioni Communitas Europaea Alsatiae semper inclusa est. Fridericus Bierry primus praeses electus est[1].

De provincia[recensere | fontem recensere]

CeA non tantum ita praefectura maior fit sed etiam provinciam (Francogalliceː compétences) ampliorem accipit. In primis omnia quae ad bilinguismum et linguam Elisaticam in scholis docendam et turismum et consilia cum vicinis Germanis et Helvetiis supra limites peragenda spectant (nam multi Alsatici quotidie limitem transeunt ad vitam quaerendam, habitant in Francia et foris operantur) nunc ad Communitatem Europaeam Alsatiae pertinent. Quae provincia rationem reddit cur nova communitas verbum "Europaea" nomini suo inseruerit. Quodam modo sic ad Rhenanam originem redditur Elisatia.

Communitas per numeros illustrata[recensere | fontem recensere]

Iam anno 2013 electores Alsatici per plebisscitum de fusione Rheni Superioris et Rheni iInferioris consulti erant. Tum hoc propositum ob suffragiorum paucitatem non ratum est. Hic vides homines politicos qui fusionem Argentorati anno 2013 defendebant.
  • Superficiesː 8 280 km quadrata
  • Longitudoː 190 km
  • Latitudoː 50 km
  • Incolaeː 1 898 533 (aestimatio INSEE die 1 ianuarii 2021)
  • Limites cum externis nationibusː 2 (Helvetia et Germania)
  • Pagiː 40
  • Consiliarii electiː 80 (vir unus et mulier una per pagum).

De primis comitiis[recensere | fontem recensere]

Mense iunio 2021 comitiis praefecturalibus in Francia habitis consilium novum in Communitate Europaea Alsatiae electum est. Nec quidquam mutatumː qui iam electi erant plerumque rursus electi sunt. Ita factio Friderici Bierry (Les Républicains) cum variis sociis 73 consiliarios rettulit, 7 consiliarios tantumodo sese opposituros profitentur[2]. Paucissimi tamen electores illis comitiis interfueruntː nam triceni per centenos suffragium urnis intulerunt aut ad machinas comitiales accesserunt, septuageni vero domi manserunt aut aliud egerunt.

Notae[recensere | fontem recensere]

Fontes[recensere | fontem recensere]