Clitellata
Clitellata sunt classis vermium annelidorum, insignia clitello corpus cingente, quod globulum genitalem certa aevi parte efficit, et circa 8000 specierum comprehendentia. Eo Polychaetis dissimilia sunt, quod parapodiis carent et caput eis minus excultum est.
Descriptio[recensere | fontem recensere]
Clitellata sunt vermes segmentata quibus character est clitellum, id est quasi cingulum prope caput animalis maturi situm. Os est in parte ventrali, sub obductum prostomium (seu proboscin). Cerebrum non in capite, sed in segmento corporis situm est.
Clitellum, quod aliquot segmentis immutatis efficitur, aut gonoporos femininos fert aut proximum eis est a tergo. Eius textus glandularis in concubitu mucum edit, qui animalia coniungit dum semen inter se permutant; post concubitum quoque edit materiam, quae corpus animalis circumit, ovis semineque inclusis. Animal tum illum globulum circa caput obducit, quo effecto globuli finis concrescit, intusque ova fecundantur fetusque educantur.[2][3]
Notae[recensere | fontem recensere]
- ↑ Manum, S. B.; Bose, M. N.; Sawyer, R. Y. T. (1991). "Clitellate cocoons in freshwater deposits since the Triassic". Zoologica Scripta 20 (4): 347
- ↑ Ruppert, Edward E.; Fox, Richard, S.; Barnes, Robert D. (2004). Invertebrate Zoology, 7th edition. Cengage Learning. pp. 459–482. ISBN 978-81-315-0104-7.
- ↑ Animal reproductive system: Mechanisms that aid in the union of gametes: Annelids and mollusks.