Calaroga

Monasterium Dominicanarum et statua Sancti Dominici

Ecclesia Sancti Sebastiani

Caleroga est municipium 423 incolarum (status 1 Ianuarii 2019) in Burgi provincia austro-orientali in regione autonoma hispana Castella et Legione sita. Ad regionem vitium culturae nomine Ribera Durii pertinet.

Visu digna

• Medio in oppido est maximum Monasterii Dominicanarum opus. Anno 1266 rex Alphonsus X domum familiae Guzmans, unde Sanctus Dominicus oriundus erat, una cum torre in monasterium monialium mutari iussit. Anno 1835 suppressum monasterium iam anno 1868 Isabella II, regina Hispaniae, instante revixit et nomine Real Monasterio praesidio regali instructum est. Monasterium maximae ordinis collectioni litterarum necnon museo hospitium praebet. Duo monasterii ecclesiae a saec. 13 et 16 repetunt.
• Ecclesia Sancti Sebastiani maxima ex parte e caementis constructa opus romanum sequitur. Sanctus Dominicus ibi baptizatus est.

Cives noti

• Sanctus Dominicus (Domingo de Guzman), natus circa annum 1170, mortuus anno 1221, conditor ordinis Fratrum Praedicatorum.
• Santiago Manguán Pascual, natus die 25 Iulii anno 1941 Calarogae; mortuus die 30 Ianuarii anno 2022 Burgi, cursor Marathonius hispanus.

Nexus externi

Vicimedia Communia plura habent quae ad Calaroga spectant (Calaroga, Caleruega).