Atropatene

Vide etiam paginam discretivam: Atropatene (discretiva).

Atropatene (Persice آذربایجان Āẕarbāyjān; lingua Persica antiqua Ātṛpātakāna; lingua Persica media Ādurbādagān; Graece Ἀτροπατηνή) est historica Iraniae septentrionalis provincia. Provincias hodiernas Atropatenen Occidentalem, Atropatenen Orientalem, et Ardebiliam comprehendit.

Etymologia nominum

Nomen Atropatenes commemorat Atropaten, satrapam Imperii Persarum Achaemenidarum, qui serius Mediae satrapes sub Alexandro Magno fuit. Atropates nomen Graeca translitteratio Antiquae Iranianae, probabiliter Medae, compositi nominis (Sancto) Igne Protectus significantis est. Graecum nomen a Diodoro Siculo et Strabone memoratur. Graeci Atropatis regnum, quod Alexandro mortuo in regione condidit, Atropatenen vocaverunt; hodiernae civitatis Atropatenae ambitus autem potius antiquae regioni Albaniae respondet.^[1] Parthi ex Atropatene fecerunt Āturpātakān, deinde Sassanidae^[2] Ādurbādagān, ex quo hodierna nominis forma profecta est.

Historia

Antiquitas

Conferatur pagina principalis: Atropatene antiqua.

Regio Achaemenidis regnantibus ad Mediam pertinebat, maxima incolarum pars erant Medi, caput Ecbatana. Regno Persico ab Alexandro III, rege Macedonum, everso tamen satrapes provinciae Achaemenidarum Mediae nomine Atropates, Persa nobilis, in officio permanebat, etsi antea copiis Medis praefuerat. Alexandro mortuo Media meridiana una cum Ecbatana ad imperium Seleucidarum venit, Mediam septentrionalem autem Atropates retinuit, qui regnum liberum ac domum regiam condidit. Ex auctore civitas Media Atropatene vocata est.

Medium aevum

Anno 636 Arabes regionem invaserunt.

Aevum modernum

Atropatene Safavidarum

Atropatene^(en) provincia Imperii Safavidarum fuit.

Chanatus Atropatenes

Post mortem Nadiri Sachi (Nādir Shāh), Atropatene fuit divisa in chanatus^(en).

Notae

↑ Wladimir Minorsky (1953), "Caucasica IV," Bulletin of the School of Oriental and African Studies 15 (no. 3): 504. Londinii: University of London.
↑ In textu geographico lingua Pahlavica conscripto nomine Shahrestānihā i Erānshahr.

Nexus externi

Situs geographici et historici: Locus: 37°36′0″N 47°0′0″E • Store norske Lexikon

Terra

Haec stipula ad geographiam spectat. Amplifica, si potes!

[1] Wladimir Minorsky (1953), "Caucasica IV," Bulletin of the School of Oriental and African Studies 15 (no. 3): 504. Londinii: University of London.

[2] In textu geographico lingua Pahlavica conscripto nomine Shahrestānihā i Erānshahr.

[1]

[2]