Amur
| Longitudo | 2824 chm |
|---|---|
| Altitudo fontis | 304 m |
| Decursus aquae | in ostio 12 800 m³/s |
| Area systematis | 1 855 000 chm² |
| Fons | Confluxus Schilcae et Arguni |
| Ostium | Mare Ochotense |
| Regio | Oriens Extremus |
Amur[1] sive Amura[2] (Russice Амур; Sinice 黑龙江, Hēilóng Jiāng, i.e. 'flumen draconis nigri') est flumen in Asia, in Foederatione Russica et Re Publica Populari Sinarum. Longitudinem 2824 habet.
Fluxus[recensere | fontem recensere]
"Ex coniunctione Schilcae et Arguni Amur fluvius oritur"[3] in confinio Russiae et Sinarum et per comfinum diu ad orientem et meridiem fluit. In Russia ripas territorii Transbaicalici, regionis Amurensis, regionis autonomae Iudaicae, in Sinis Heilongjiang proviniciae ripas alluit. Post in orientem et septentrionem vertit et per territorium Fortunianum Russiae fluit et in fretum Tataricum (pars maris Ochotensis oceani Pacifici effunditur. Fluxus Amuris ab initio ad Evangelistriam urbem fluxus superior putatur, ab Evangelistria ad Fortuniam medius, a Fortunia ad mare inferior.
Accolae[recensere | fontem recensere]
Zeia (quae loco confluvii maior Amure est) et Bureia et Sungari et Amgun[4] et Ussuri tributarii Amuris maximi sunt. In Sinis Zeia et Bureia ut pedes "draconis nigri" laevae, Sungari et Ussuri ut pedes dextrae describuntur.
Urbes ad ripas sitae[recensere | fontem recensere]
Ad Amurem siti sunt, in Russia::
- Albasinum vicus antiquus
- Evangelistria regionis caput
- Fortunia territorii caput,
- Permicum urbs industrialis et
- Nicolaopolis ad Amurem urbs prope ad ostium,
in Sinis autem Hēihé urbs magna, exadversum Evangelistriam.
Notae[recensere | fontem recensere]
- ↑ Atlas Russicus, Petropoli, 1745, p.7; Caroli Egger Lexicon Nominum Locorum: Supplementum referens nomina Latina vulgaria, Vaticani, 1985, p. 28.
- ↑ "l'Amur, en lat. Amura, dans la Tartarie Chinoise" (Ioannis Hubner De L'Asie. De L'Afrique. De L'Amérique & Des Pais Inconnus, tomus IV., Basileae, 1761, p. 5 apud Google Books)
- ↑ Ioannis Georgii Gmelin Flora Sibiriae sive historia plantarum Sibiriae, tomus I., Petropoli, 1747, p. XIV
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Амгунь.
Nexus externi[recensere | fontem recensere]
|
Vicimedia Communia plura habent quae ad Amurem fluvium spectant. |
|
Situs geographici et historici: Locus: 52°59′28″N 141°2′48″E, 53°20′0″N 121°28′53″E • OpenStreetMap • GeoNames • Store norske Lexikon • Большая российская энциклопедия • place/Amur-River-Basin Encyclopædia Britannica |