Alcinda Abreu

Alcinda Abreu

Res apud Vicidata repertae:

Alcinda Abreu: imago

Nativitas: 13 Octobris 1953; Buzi District
Patria: Mozambicum

Alcinda Abreu, vulgo plene Alcinda António de Abreu (die 13 Octobris 1953 nata in vico Nova Sofala pagi Búzi in provincia Sofala) est politica Mozambici.

In urbe Beira educata est. Universitatem Maputensem in Mozambico, collegium Universitatis Londiniensis in Anglia, universitatem Witwatersrand in Africa Australi frequentavit. Vidua est politici Maradali Mamadhusen, qui iuxta praesidem Samora Machel malo casu aeroplani die 19 Octobris 1986 mortuus est.

Alcinda Abreu ministra a rebus socialibus meruit ab anno 1994 usque in 1997, praeside Ioachimo Chissano. A praeside Armando Guebuza die 3 Februarii 2005 ministra a rebus externis, deinde die 27 Martii 2008 ministra a circumiectu facta est, quo officio usque in annum 2015 functa est.

Nexus externi

• "Detalhes do novo governo" in Boletim sobre o processo político em Moçambique no. 45 (1 Februarii 2010)

Ministri rerum externarum Mozambicenses

Ioachimus Chissano 1975 • Paschalis Mocumbi 1987 • Leonardus Simão 1994 • Alcinda Abreu 2005 • Oldemirus Balói 2008 • Iosephus Pacheco 2017 • Veronica Macamo Dlhovo 2020 Opus geopoliticum • Ministri a rebus externis civitatum Africanarum hodiernarum Capsae cognatae: Praesides Mozambici • Primi ministri Mozambici