Iamantau
Iamantau[1] (Baschkirice Яман тау, i.e. Mons Malus) est mons Russiae, iugi principalis Uralium Australium pars. In Baschkiria re publica situs est. Mons altitudinis 1640,4 m est Uralium Australium altissimus. Mežgor'e (Intermontium) urbs est locus habitatus ad Iamantau proximus. Mons Iamantau Minor etiam prope ad Iamantau situs est.
Declivia Iamantau paene tota acervis lapidum magnorum acriorum (qui Baschkirice qorum nominantur) obruta sunt, unde et nomen montis; equi et homines saepe pedibus fractis de Iamantau reverti nequibant.
Quamvis arx quaedam subterranea clandestina contra arma nuclearia sub Iamantau aedificata esse saepe dicebatur, hoc tamen minime certum est.
Notae[recensere | fontem recensere]
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Ямантау.
Nexus externi[recensere | fontem recensere]
|
Situs geographici et historici: Locus: 54°15′18″N 58°6′7″E • GeoNames • Peakbagger |