De vermis mysteriis

De Vermis Mysteriis titulus libri ficticii artium magicarum, quem librum scriptor Americanus Robertus Bloch invenit et cuius mentionem hic et illic fecit Howard Phillips Lovecraft in suis fabulis.

Inventio

Libri primum mentio facta est in Roberti Bloch fabula anno 1935 edita cuius titulus est The Shambler from the Stars. Fabulae persona legit capitulum libri quo facto casu extradimensionalis horror ciitur.

Titulum Latinum Lovecraft Roberto Bloch proposuit qui primum titulum Anglicum Mysteries of the Worm habebat. Lovecraft etiam Latinum citationis carmen praebuit quod est "Tibi, magnum Innominandum, signa stellarum nigrarum et bufaniformis Sadoquae sigillum". Sadoqua vel Tsathoggua est quoddam animal supernaturale.