Cunene[1] est flumen Angolae et Namibiae. Longitudinem 1207 chm habet. In planitie montana Bie Angoliae prope ad Uambo urbem oritur et ad meridiem fluit; prope ad Matalam urbem de lamina graniti in 13 m cadit et per Kalahari desertum fluit, postea ad occidentem vertit ad aquam cadentem Ruacanam (124 m altitudinis). A Ruacana usque ad ostium per confinium Angoliae et Namibiae fluit; altera aqua cadens est Elupa (30 m altitudinis). Namib desertum transit, ubi multam aquam in arenis perdit, et in Oceanum Atlanticum per limenem se effundit, qui annis siccis lingua terrae ab oceano separatur.