Antonius Vieira

E Vicipaedia
Salire ad: navigationem, quaerere
Pater Antonius Vieira, artificis incogniti a maturo 1900 saeculo.
Vieirae Historia do Futuro ('Historia Futura' Latine), prima editio ab anno 1718.

Antonio Vieira, S.I. (natus 6 Februarii 1608; mortuus 18 Iulii 1697), fuit religiosus et praeclarus scriptor Lusitanus, qui ob facundiam et copiam dicendi principem locum inter oratores Catholicos suae aetatis obtinuit.

Natus est Olisipone, sed mox, relicta patria, in Americam meridianam se contulit. Ibi in collegio Iesuitarum, quod situm erat Bahiae, in oppido Brasiliae, honestarum artium studia cum laude perfecit. Sacrum tirocinium anno 1625 auspicatus est, et duobus annis peractis vota religiosa pronuntiavit. Cum annum aetatis duodevicesimum attigisset, rhetoricam artem publice tradere coepit, cui professioni acessit mox provincia theologica. Anno vero 1635 sacerdotium inivit. Sermonibus permultis, quos edidit, maximam laudem in arte oratoria ei pepererunt.

Opera[recensere | fontem recensere]

  • Sermones
  • Historia Futura
  • Quintum Imperium
  • Clavis Prophetarum
  • Litterae
  • Notitiae reconditae modi agendi Inquisitionis Lusitanae cum reis