Absolutivus

Absolutivus est grammaticalis linguarum ergativarum casus, quo notatur

• obiectum verbi transitivi
• subiectum verbi intransitivi (verbi obiecto carentis).

Exemplum Vasconicae linguae:

Puer venit (verbum puer est subiectum verbi intransitivi):

mutila etorri da - Mutil ('puer') desinentiam absolutivi -a habet, quod verbum obiecto caret.

Magister puerum videt (verbum puer est obiectum verbi transitivi):

Irakasleak mutila ikusi du - Verbum Irakasleak ('magister') est subiectum verbi transitivi, itaque ergativo -(a)k notatur, cum verbum mutil ('puer'), quippe quod sit obiectum, absolutivo -a notetur.