Syēnē (-ēs f.) (GraeceΣυήνη, AegyptiaceŚwn.t - 'commercium', Demotice Swnw, Coptice ⲥⲟⲩⲏⲛ Swēn et ⲥⲟⲩⲁⲛ Swān, Arabice أسوان Aswān, Hebraice סונה Sǝweneh) est urbs in parte meridionali Aegypti, et caput gubernationis Syenes. Sita est in ripa orientali Nili prope cataractam primam, paene sub tropico Cancri[1] paulum ad septentrionem versa. Ibi olim patebat limes inter Aegyptum et quam tunc Aethiopiam vocabant, nunc vero Nubia dicitur. Tempore Strabonis tres cohortes Romanae fines tuebantur.
