Acidum sulphuricum

Structura moleculae.

Imago structurae moleculae: atomus sulphuris est colore fulvus, atomi oxygeni rubri, atomi hydrogeni albi.

Acidum sulphuricum, sive sulfuricum, est molecula simplex sub formula chemica H₂SO₄ et cum structura HO-OSO-OH. Francogallice appellabatur vitriol (ex vitro) quod, secundum alchemistas, significat:

Visita Interiora Terrae Rectificando Invenies Occultum Lapidem.

In planeta Venere sunt nubes acidi sulphurici.

De proprietatibus

Acidum sulphuricum est liquidum oleacum, corrodens, sine colore. Tres virtutes chemicas praebet: est acidum validum, magna oxidationis potestate ac denique moleculas aquae sibi adripit atque ceteris corporibus adimit. Exempli gratia si hoc acidum carbohydratis (glucoso, saccharoso...) infundas puncto temporis nihil nisi acervus fuscus carbonii superest (ex C₆H₁₂O₆ remanent, sex carbonii atomi sex moleculae aquae abierunt). Cum aqua acidum sulphuricum vincula hydrogenica coniungit atque mixtura vehementer effervescit.

Ex omnibus compositis inorganicis in industria chemica acidum sulphuricum copiosissime producitur (inter alia in laetaminibus adhibetur).

Quomodo acidum sulphuricum industrialiter fabricetur

Acidum sulphuricum e dioxido sulphuris elaboratur quod in trioxidum catalyzante pentoxido vanadii primum oxidatur secundum infrascriptam reactionem:

2 SO₂(g) + O₂(g) → 2 SO₃(g)

Deinde trioxidum in acidum sulphuricum mergitur quod liquidum oleaceum efficit:

SO₃(g) + H₂SO₄(l) → H₂S₂O₇(l)

Postremo hoc liquidum cum aqua ita reagit:

H₂S₂O₇(l) + H₂O(l) → 2 H₂SO₄(l)

Nexus externi

• Vicimedia communia plura habent quae ad acidum sulphuricum spectant
• Scheda INERIS

Nexus interni

• Desulfobulbaceae
• Mons ignifer
• Superacidum

stipula

Haec stipula ad chemiam spectat. Amplifica, si potes!