Erythrae (Ionia)

Vide etiam paginam discretivam: Erythrae (discretiva)

Ruinae amphitheatri Erythrarum

Erythrae, -arum f. (Graece Ἐρυθραί, Neograece Λυθρί, Turcice Ildırı) est oppidum parvum Turciae quae sub monte Coryco iacet inter ruinas urbis satis clari Ioniae antiquae. Ibi olim vites cultae sunt. Archestratus igitur de φερεσταφύλοις Ἐρυθραῖς scil. "Erythris viniferis" cantat (vide infra); incolae Mimantis montis, qui ad boream versus surgit, Herculem adorabant "Ipoctonum", scilicet qui ipes vitium interficit. Ibi et silvae virebant venatoribus prosperae. Panem Erythrarum pistoresque Lydos laudavit saeculo IV a.C.n. Archestratus:

Principio munus eloquar Cereris	Πρῶτα μὲν οὖν δώρων μεμνήσομαι ἠυκόμοιο
pulchra coma ornatae, amice Mosche: haec vero tu mente repone.	Δήμητρος, φίλε Μόσχε· σὺ δ´ ἐν φρεσὶ βάλλεο σῇσιν ...
qui Erythris uvarum fertilibus clibano educitur,	ἐν δὲ φερεσταφύλοις Ἐρυθραῖς ἐκ κλιβάνου ἐλθὼν
albus, speciosa pulchritudine nitens, cenantem te oblectabit ...	λευκὸς ἁβραῖς θάλλων ὥραις τέρψει παρὰ δεῖπνον ...
Esto tibi domi Phoenix quidam aut Lydus	Ἔστω δή σοι ἀνὴρ Φοῖνιξ ἢ Λυδὸς ἐν οἴκῳ,
Qui tui palati gnarus quotidie	ὅστις ἐπιστήμων ἔσται σίτοιο κατ´ ἦμαρ
Ut iusseris omnifarias panis species conficiat.	παντοίας ἰδέας τεύχειν, ὡς ἂν σὺ κελεύῃς.

Fontes antiqui

• Pausanias, Descriptio Graeciae VII.5.5-9
• Strabo, Geographica XIV.1.34

Nexus externi

• Erythrae inter urbes Ioniae (Francogallice)

Bibliographia

• "Erythrae" in Gulielmus Smith (1854). Dictionary of Greek and Roman Geography. Londinii: Walton & Maberly
• "Erythrae" in Richard Stillwell et al., The Princeton Encyclopedia of Classical Sites (Princeton, 1976) Textus