Dorcestria

Dorcestriae situs inter comitatus geographicos regni Britanniarum

Dorcestria sive Dorsetia (vulgo Dorset et interdum Dorsetshire) est comitatus Angliae australis; nomen habet ab urbe satis parva sed praeclara Durnovaria, iam temporibus Romanis nota.

Dorcestriae situs inter comitatus sollemnes Angliae

E Dorcestria "sollemni" distinguuntur Dorcestria "administrativa" (75), Poole (76), Bournemouth (77)

Dorcestria (Anglosaxonice Dornsæte, scilicet "qui circum Durnovariam incolant") fuit regni Occidentalium Saxonum scira vel provincia, duce (ealdorman) praeposito. Ab anno 840 in Chronicis Anglosaxonum refertur; quo anno dux Aethelhelm ad Portuniam insulam properavit ut Vicingos debellaret, ibique iin proelio interfectus est.

Pagi finitimi sunt Devonia occidente versa, Somersetia et Wiltonia ad septentrionem spectantes, Hantonia ad orientem. Litora Oceani Britannici meridianam partem comitatus confiniunt; sinus vel portus Poole ibi iacet urbsque Poole et suburbium Hamworthy unde naves cursum ad Franciam dirigunt. In ipso portu insulae reperiuntur quarum maxima est Brownsea. Ad litus oceanicus surgit etiam paeninsula (nominis insulae digna) Portunia. Dorcestria enumeratur inter comitatus sollemnes Angliae hodiernae, additis etiam oppidis Christchurch et Highcliffe olim Hantoniae tributariis.

Dorcestria est etiam comitatus administrativus, retractis autem duabus urbibus satis magnis, scilicet Bournemouth et Poole, quae gubernia superiora in seipsis constituuntur. In Dorcestria "administrativa" hodierna manent urbs Durnovaria gubernii caput portusque Vimutium; oppida mediterranea Beaminster, Bere Regis, Blandford Forum, Cerne Abbas, Charminster, Corfe Castle, Cranborne, Gillingham, Maiden Newton, Milborne, Milton Abbas, Puddletown, Sceftonia, Sherborne, Stalbridge, Sturminster Newton, Tolpuddle, Verwood, Wareham, Whitchurch Canonicorum, Wimborne Minster, Winterborne Whitechurch, Wool, Yetminster; oppida iuxta oram maritimam iacentia Bridport, Charmouth, Christchurch, Fortuneswell, West Lulworth, insulae Portuniae, Highcliffe, Lyme Regis et Swanage.

Vide etiam

• Blue vinny seu Dorset Blue (caseus)

Nexus externus

• Situs interretialis Consilii Comitatus Dorcestriae (Anglice)

Sacellum Sanctae Catherinae iuxta Abbotsbury

Bibliographia

• Black's Guide to the South-Western Counties of England: Dorsetshire, Devon and Cornwall. Edimburgi: A. & C. Black, 1862 Textus apud google books
• "Dorsetshire" in Gulielmus Camdenus, Britannia (Londinii, 1607) Textus interretialis (Latine, Anglice)
• R. W. Eyton, A Key to Domesday : showing the method and exactitude of its mensuration, and the precise meaning of its more usual formulae ; the subject being specially exemplified by an analysis and digest of the Dorset survey. Londinii: Taylor, 1878 Textus apud archive.org
• "Dorsetshire" in Thomas Fuller; P. Austin Nuttall, ed., The History of the Worthies of England (Londinii, 1840. 3 voll. 1 2 3) vol. 1 pp. 451-476
• "Dorsetshire" in Samuel Lewis, ed., A Topographical Dictionary of England (7a ed. 1848. ~)
• Victoria History of the Counties of England (Londinii, 1901- ~) Dorset voll. 2-3 2 3

Comitatus Angliae geographici

Comitatus Angliae sollemnes