Atomus

Atomus cum nucleo et tribus electronibus

Atomus (-i, f.) (scil. hyle) (Graece: atomos 'individuus') est principalis materiei pars, quae consistit in denso medio nucleo, a nube electronum negative oneratorum cincto. Nucleus atomicus continet mixturam protonum positive oneratorum et electrice neutra neutrona (excepto casu hydrogenii-1, solum stabilis nuclidi nulla neutrona habentis). Electrona atomi ad nucleum a vi electromagnetica conligantur. Simile, atomi inter se ligati manere possunt, moleculam formantes. Atomus qui aequalem protonum electronumque numerum continet electrice est neuter; aliter, onus vel positivum vel negativum habet, et ergo est ion. Atomus classificatur secundum numerum protonum neutronumque in nucleo: numerus protonum elementum chemicum constituit, et numerus neutronum elementi isotopum constituit. Protona et neutrona e quarciis deducuntur.

Historia

Philosophus Graecus Democritus erat, qui cogitabat omnem materiam non esse dividuam.

Isidorus hispalensis docebat:

Atomos philosophi vocant quasdam in mundo corporum partes tam minutissimas ut nec visui pateant nec (tomnu), id est sectionem, recipiant; unde et (atomoi) dicti sunt. Hi per inane totius mundi inrequietis motibus volitare et huc atque illuc ferri dicuntur, sicut tenuissimi pulveres qui infusi per fenestras radiis solis videntur. Ex his arbores et herbas et fruges omnes oriri, ex his ignem et aquam et universa gigni atque constare quidam philosophi gentium putaverunt. . . . Atomus ergo est quod dividi non potest, ut in geometria punctus.

Plus

Si numerus electronum inaequalis numero protonum sit, non de atomo, sed de ionte dicitur.

Artes chemica et physica sunt scientiae, quae de atomis docent: chemica docet atomos et ionta fingere molecula et alias structuras materiei; physica docet de compositione atomorum et de transmutatione atomorum (fissione vel fusione nucleorum).

Vide etiam

• Bomba atomica

Nexus externi

• Isidorus Hispalensis: De etymologiarum liber XIII De mundo et partibus Caput II De Atomis