Roman numeral 10000 CC DD.svg

Sagitta

E Vicipaedia
(Redirectum de Sagitta (arma))
Salire ad: navigationem, quaerere

Vide etiam paginam discretivam: Sagitta (discretiva)

Sagittae

Sagitta est telum acutum arcu missum. Sagittae ab Aevo Praehistorico exstant et plerisque culturis sunt.

Apud antiquos Graecos et Romanos[recensere | fontem recensere]

Sagitta Graece ὀϊστός, ἰός, vel τόξευμα dicebatur. Sagittae antiquae, sicut hodiernae, pinnas et cuspides metallicas habebant;[1] cuspis ἄρδις appellabatur.[2] Cuspides siliceae in Italia inventae sunt, et Aethiopes in exercitu Xerxis sagittis lapide acuto praefixis[3] sed sagittae Graecae plerumque aere praefigebantur, iam tempore ab Homero descripto, qui sagittam χαλκήρε᾽ (aere fixam) appellat.[4] Homerica autem cuspis tres linguas atque hamos (ὄγκους) habebat. Romani has sagittas hamatas et aduncas appellabant, et cuspides non venenabant, ut faciebant Getae, Scythae, ac Mauri. Sagittis in bello ignis ferebatur; sic Xerxes acropolin Athenarum accendit[5] et Caesar naves Antonii.[6] Qui sagittas mitterent sagittarii et olim arquites dicebantur.[7]

Notae[recensere | fontem recensere]

  1. Scutum Herculis 130–134.
  2. Herodotus 1.215.
  3. Herodotus 7.69.
  4. Ilias 13.650, 662.
  5. Herodotus 8.52.
  6. Pollux, 1.37.
  7. Hoc paragraphum verba incorporat ex Harry Thurston Peck, Harper's Dictionary of Classical Antiquities (1898), s.v. "sagitta."

Nexus interni[fontem recensere]

Nexus externi[recensere | fontem recensere]


stipula Haec stipula ad rem militarem spectat. Amplifica, si potes!
scacci Haec stipula ad ludum vel ad exercitationem corporis spectat. Amplifica, si potes!