Phrynichus (tragicus)
Vide etiam paginam discretivam: Phrynichus
Phrynichus (Graece Φρύνιχος; circa 535 a.C.n. Athenis, ut videtur, natus nec ante 476 a.C.n. Siciliae mortuus), Polyphradmonis filius, fuit poeta tragicus Atheniensis e prioribus; opera Phrynichi deperdita sunt.
Thespidis discipulus fuisse dicitur. Anno 511 primum in certamine tragicorum vicit. Anno 494 Miletum captam (Μιλήτου ἅλωσις) tragoediam edidit de Mileto a Dario expugnata tantumque maerorem Atheniensibus intulit tantasque lacrimas movit, ut tragoedia interdicta esset auctorque ad multam 1000 drachmarum damnatus esset[1]. In Phoenissis anno 476 compositis Phrynichus luctus Persarum ad Salaminem devictorum descripsit.
Histrionem habuit unum, sed chorum primus in duas dimidias partes divisit, quarum una viros, altera mulieres imitaretur.
Tragoediae[recensere | fontem recensere]
Suda tragoedias Phrynichi decem enumerat:
- Πλευρωνίαι Pleuroniae
- Αἰγύπτιοι Aegyptii
- Ἀκταίων Actaeon
- Ἀλκηστις Alcestis
- Ἀνται̂ος ἢ Λίβυες Antaeus vel Lybii
- Δίκαιοι ἢ Πέρσαι ἢ Σύνθωκοι Iusti vel Persae
- Δαναίδες Danaides
- Ἀνδρομέδα Andromeda
- Ἠριγόνη Erigone
- Άλωσις Μιλησίων (vel Μιλήτου ἅλωσις) Miletus capta
Notae[recensere | fontem recensere]
Nexus externi[recensere | fontem recensere]
|
Lexica biographica: Treccani • Deutsche Biographie • Store norske leksikon |