Operatio Market Garden

Operatio Market Garden (Anglice Operation Market Garden) fuit expeditio militaris secundo bello mundano mense Septembri anno 1944 facta, a Bernardo Law Montgomery duce Anglico concepta, qui in animo consilioque habebat pontibus trans flumina Rhenum, Mosam, Vacalum potiri a Divisione XXX autocurrorum armatorum (Anglice XXX Armoured Division) percurrendis ad Germaniam invadendam.

Nam de consiliis inventorum haec via e pontibus composita atque maximos praecipuosque amnes transiens pateretur militibus Americanis et Anglicis accessum ad regionem Ruranam Germanicam, gravissimam planitiem officinis et industris bellicis abundantem.

Res gestae

Die solis 17 Septembris 1944 res sunt inceptae iactibus "Primae Divisionis Aëreae" (Anglice: 1st Airborne Division) super Arecanum (in Nederlandia) ad pontes Rheni fluminis occupandos, "Centesimae Primae Divisionis Aëreae" (101st Airborne Division) in sito septentrionali urbis Eindhoven et "Octogesimae Secundae Divisionis" (82nd Airborne) in loco meridionali pro urbe Ulpia Noviomago Batavorum ad pontes omnes duasque urbes potiendos.

Americana 101st Divisio Aërea Eindhoven haud ingentibus detrimentis habitis occupavit et ullis impedimentis potuit pontes canales "Wilhelmina" et "Zuid-Willemsvaart" transientes capere. Octogensima Secunda Divisio Aërea occupavit trans Mosam pontem una cum Prima Divisione Aërea Britannica sed nec potuerunt illum trans Vacalum flumen (haud remotum ab Ulpia Noviomago Batavorum) potiri ob ingente atque vehemens impetum Germanicorum militum.

Sed gravissima condicio fuit militibus Britannicis qui, inventa via ad Arecanum inimicis copiis plurimis munita, consecuti sunt pontem trans Rhenum et eum occupaverunt parva modo manu, interclusa igitur et a Prima Divisione separata.

Die 18 Septembris, series autocurrorum armatorum Britannicorum Divisionis XXX se cum Centesima Prima Divisione coniunxit et postridie cum Octogesima Secunda. At simul duces Germanici (inter quos memorandus est Curtius Student, qui anno 1941 insulam Cretensem occupavit primum militibus deciduis, magnis iacturis habitis) fecerunt ut omnes expediti autocurri, vehicula, milites (vel manipulus mutilorum militum) loco Arecani urbis concurrerent quam celerrime potuerunt ut coërcerent Anglicorum Polonorumque militum incursum. Die 19 Septembris male evenerunt conatus omnes ad ordinem Germanicum perrompendum.

Die 20 Septembris, captus est pons trans Vacalum apud Ulpiam Batavorum ab Anglicis Americanisque militibus deciduis sed ob nimis latas paludes et hostes in urbe Ressen resistentes autocurri armati et milites praeterire non potuerunt. Fieri igitur non potuit ut auxilia ad Primam Divisionem Arecani pervenirent.

Die 21 Septembris, Britannici pulsi a ponte sunt et oppressi. Attamen milites Anglici, Ioanne Dutton Frost duce, contra autocurros Germanicos Divisionis "Panzer" appellatae et milites optime exercitatos manipulorum "Waffen-SS" pugnando, etsi tantum armamenta levia haberent, maxima detrimenta inter homines vehiculaque militaria hostibus attulerunt tametsi Germanicis auxilia ingentia alia fuerunt. Tertia militum Anglicorum Primae Divisionis pars reliqua Rhenum parvis scaphis vel natando transiit et in septentrionali fluminis riva apud pagum Oosterbeek constiterunt.

A Septembris die 22 usque ad 26 fuerunt nonnulli impetus copiarum Americanarum et Anglicarum sed inania fecerunt. Denique solum 2200 Britannici milites e 10 000 hominibus Primae Divisionis Aëreae servati sunt; alii autem sunt necati aut capti. Operatio Market Garden fuit igitur decoctio militaris Anglicis Americanisque, quae nihil extulit nisi moras in progressu contra Germaniam.

Detrimenta omnium factionum

Nationes	Necati	Deperditi	Captivi	Summatim (pro singulis nationibus)	Omnino
Germania	7500–10 000				7500–10 000
Nationes Alligatae	10 404	1342	6450		18 196
Britannia	6484	851	6450	13 785
America	3542	ferme 448		4 000
Polonia	378	fere 32		411

Imagines de Operatione Market Garden

Dux Anglicus Bernardus Law Montgomery, ideator^? Operationis Market Garden.
Milites Germanici in suburbiis Arecani .
Ioannes Dutton Frost, praefectus militaris Primae Divisionis Aëreae.
Anglici decidui milites in Oosterbeek circumspicientes.
Autocurrus armatus Anglicae Divisionis XXX transiens pontem Ulpiae Noviomagi Batavorum.
Decidui milites Britannici Germanicos ullos conquirentes in schola Batava.
Ignoti militis Anglici simulacrum in coemeterio Arecani.
Britannici milites impetum Germanicum instantem exspectant ad hunc repellendum.

Fontes

Paolo Cau, Battaglie. Le 100 grandi battaglie della storia: da Qadesh alla presa di Baghdad, tremila anni di arte della guerra; Giunti Editore, 2006. ISBN 88-09-04459-2
De Operatione apud militarhistory.

Nexus externi

Vicimedia Communia plura habent quae ad Operationem Market Garden spectant.