Coordinata: 10°49′26″N 64°10′00″W / 10.82389°N 64.1666667°W / 10.82389; -64.1666667

Novae Gades

E Vicipaedia
Jump to navigation Jump to search
Adumbratio Novarum Gadium ut anno 1523 ex aere videbatur.
Ruinae Novarum Gadium.

Novae Gades (Hispanice Nueva Cádiz) est locus archaeologicus, olim oppidum portus, Cubaguae in insula ante litus Venetiolae situs.[1] Colonia Hispanica, circa 1515 haud sollemni more constituta, fuit una ex primis coloniis Europaeis in Americis.

Ante 1502, nonnulli viculi Cubaguae constituti sunt, quot annis per tres vel quattuor menses commercium faciendi causa habitati.[2] Insula propter abundantiam ostrearum, praecipue pinctadarum (ergo margaritarum) hominibus grata atque accepta fuit. Ad ultimum, colonia perennis facta est, atque ante 1520, post magnam indigenarum rebellionem, numerus incolarum habitantium trecentos excedebat. Die 12 Septembris 1528 per decretum regale Caroli V locus incorporatus urbs nomine Nueva Cádiz facta est,[3][4] atque ea prima urbs Hispanica in America Australi rite constituta.[4][5] Anno 1541 urbs terrae motu fluctuque insequenti funditus eversa est.

Anno 2015, Georgius Thielen Armand, director Venetiolanus, Flor de la Mar fecit, brevem pelliculam documentariam de ruinis Novarum Gadium et de insula Cubagua.[6]

Notae[recensere | fontem recensere]

  1. Cubagua a Christophoro Columbo anno 1498 inventa est.
  2. Rouse et Cruxent 1963.
  3. Jiménez 1986.
  4. 4.0 4.1 Transactions of the Caribbean Geological Conference. Queen's College Press. 1968. p. 33 
  5. Raub 2010:203.
  6. http://www.flordelamarfilm.com

Bibliographia[recensere | fontem recensere]

  • Jiménez Graziani, Morella A. 1986. La esclavitud indígena en Venezuela, siglo XVI. Fuentes para la Historia Colonial de Venezuela. ISBN 9789802220014.
  • Otte, E. 1977. Las perlas del Caribe: Nueva Cádiz de Cubagua. Caracis: Fundación John Boulton. ISBN 8439967543.
  • Raub, Kevin. 2010. Venezuela. Lonely Planet. ISBN 9781741791587.
  • Romero, Aldemaro. 2003. Death and Taxes: the Case of the Depletion of Pearl Oyster Beds in Sixteenth-Century Venezuela. Conservation Biology 17(4):1013–1023. doi:10.1046/j.1523-1739.2003.01406.x.
  • Rouse, Irving, et José María Cruxent. 1963. Venezuelan archaeology. Portu Novo: Yale University Press.