Nervus (anatomia)

	Cave: notitiae huius paginae nec praescriptiones nec consilia medica sunt.

Nervi maximi corporis humani.

Sectio nervi.

Nervi (flavo colore) brachii et antibrachii dextri. Effectus motus nervi signa musculis mittunt, ac contrarie alii nervi signa superficiei dermis recipiunt.

Nervus est fasciculus axonum, qui partes neuronis sunt. Eo modo homines animaliaque res sentiunt seque movent. Nervis nuntii electrici inter membra corporis cerebrumque feruntur; qui nuntios e cerebro ad membra vel organa sensoria ferunt, nervi efferentes dicuntur, et qui nuntios ad cerebrum e membris ferunt, nervi afferentes sunt.

Systema nervosum periphericum est collectio omnium nervorum; systema autem nervosum centrale non e nervis, sed ex encephale et medulla spinali componitur.

Inflammatio nervi dicitur neuritis.

Vasa nervorum

Nervi nutrimentum per vasa nervorum (sanguinea) fit. Praeterea vasa lymphacea prope nervos sub microscopio inveniri possunt.

Mala morbique nervi

Neurapraxia, axonotmesis, neurotmesis

Neurapraxia (Gr.: νεῦρον nervus, ἀπραξία segnitia) obsidionem ductus electrici significat, at axonotmesis (Gr.: τμῆσις sectio) interruptio continuitatis tantum axoni, neurotmesis nervi in toto.

	Neurapraxia	Obsidio conductionis electrivi, structurae nervi, axon et endoneurium et perineurium intacta sunt.
	Axonotmesis	Interruptio continuitatis tantum axoni. Endoneurium et perineurium intacta sunt.
	Neurotmesis	Interruptio continuitatis totius nervi

Nexus interni

• Corpusculum Pacinianum
• Nervi craniales
• Nervus motorius
• Neurologia

Bibliographia

• Canning, Brendan J. & Domenico Spina, eds. (2009) Sensory Nerves. Springer. ISBN 9783540790891.
• Stein, R. B. (1980) Nerve and Muscle: membranes, cells and systems. Plenum Press. ISBN 0306405121.

Nexus externi

Vicimedia Communia plura habent quae ad nervos spectant.

Haec stipula ad biologiam spectat. Amplifica, si potes!