Nativitas Iesu

E Vicipaedia
Salire ad: navigationem, quaerere
Adoratio Pastorum. Tabula a Gerardo de Honthorst, 1622.

Nativitas Iesu est narratio Iesu nati secundum evangelia Lucae Matthaeique et apocrypha biblica. Evangelia canonica Lucae Matthaeique ferunt Iesum natum esse ex Maria virgine in praesaepe in Bethleem Iudaeae.[1] Iosephus et Maria secundum evangelistam Lucam propter professionem quandam de orbe universo Romano describendo peregrinati sunt a Nazareth ad Bethleem, ubi Iesus natus est.

Angeli omnibus nuntiaverunt eum salvatorem hominum esse, pastoresque venerunt ad infantem adorandum. Quidam autem astronomi, ut fert evangelium Matthaei, stellam sequebantur dona parvulo in praesaepe iacenti laturi. Herodes Rex inde stragem fecit, cum omnes pueros minores duobus annis natos necari iuberet. Familia in Aegyptum fugit.

Res traditione Christiana die 25 Decembris evenisse dicitur, numeratione historicorum mediaevalium anno 1 a.C.n. exeunte, sed e rationibus recentiorum annis fere a 6 ad 4 a.C.n. hoc factum esse constat.

Fons[recensere | fontem recensere]

  1. "Biblical literature," Encyclopædia Britannica Online, 2011.

Nexus interni