Michael Lutskay
Michael LutskayMichael Lutskay[1] (Russinice Михаил Лучкай / Michail Lučkaj, natus Michael Pop), die 19 Novembris anno 1789 in vico Magni Lučki (Великие Лучки) prope Munchatium tunc Austro-Hungariae natus et 3 Decembris anno 1843 in Unghvar mortuus, fuit clericus, grammaticus et historicus Russinicus.
Vita[recensere | fontem recensere]
In gymnasiis Unghvari et Varadini, annisque a 1812 ad 1816 in Seminario Graeco-Catholico(d) Vindobonae studuit. Iosephus Dobrovský(cs) et Bartholomaeus Jernej Kopitar(sl) magistri eius fuerunt. Postea sacerdos in vico natali, Munchatii consistorii rector, Unghvari ludi litterarum director et annis 1829 et 1830 Lucae ducis Caroli Ludovici Borbonii sacerdos fuit. Ab anno 1830 paroechus Unghvari.
Opera[recensere | fontem recensere]
Grammaticam Palaeoslovenicam et Carpatho-Russinicam comparativam primam Latine composuit. Historiam Ruthenorum in sex voluminibus Latine composuit, quorum duo tantum edidit; quattuor voluminum versio Ucrainica Eperiis annis 1883—1891 edita est, omnium sex annis 1999—2004 Unghvari. Etiam sermones ecclesiasticas ad omnes hebdomadas anno 1830 Russinice edidit.
Notae[recensere | fontem recensere]
- ↑ Sic ipse Latine scripsit.
Opera Latina[recensere | fontem recensere]
- Grammatica Slavo-Ruthena: seu vetero-Slavicae, et actu in montibus Carpathicis parvo-Russicae, ceu dialecti vigentis linguae, Budae 1850
- Historia Carpato-Ruthenorum sacra et civilis antiqua et recens usque ad praesens tempus, vol. I-II, Cassoviae, 1843 (editio Latino-Ucrainica)
Bibliographia[recensere | fontem recensere]
- Гаджега В. Михаил Лучкай — життєпис и творы. — Unghvari 1929 (vita) (Ucrainice)
- Сенько І. Михайло Лучкай — фольклорист і літератор // Проблеми історії філософії і літературознавства України: Наукові записки вчених Ужгородського державного університету. — Unghvari, 1996. — Вип. 1. — Pp. 130—153.