Madrigal History Tour

Madrigal History Tour (scil. Latine: Iter Historiae Madrigalis) fuit spectaculum televisificum Anglicum, anno 1984 ab King's Singers actum et a BBC creatum. Hoc spectaculum componebatur ex episodiis sex, quae narrabant de historia madrigalium, qui fuerunt carmina praeclara et notissima saeculis XVI et XVII in Italia orta sed culta per Europam totam.

Episodia fuerunt:

• Primum erat introductio ad madrigales et historiam saeculi XVI.
• Secundum narrabat de musica Francica: Orlandus Lassus, Iosquinus Pratensis, Clemens Janequin (La Guerre) et Iacobus Arcadelt.
• Tertium certiores faciebat de madrigalibus in Germania et de musicis Germanis: Ludovico Senfl, Paulo Hofheimer, Georgio Forster, Arnoldo Brugense et Ioanne Leone Haslero. Actum est hoc episodium in urbe Ratisbona
• Quartum Hispanicis musicis dicatum erat ut Alphonso de Mudarra, Ioanni de Encina aut Matthaeo Fletxa Veteri. Actum est hoc episodium in Salmantica et in Sancta Iuliana Maris.
• Quintum episodium tractabat de musica Anglica aetatis Renascentiae (Thomas Morley, Ioannes Farmer, Ioannes Dowland).
• Ultimum fuit episodium de musica Italiana et in Mantua actum est.

Cantorum King's Singers intererant in Madrigal History Tour Ieremias Jackman, Alexander Hume, Gulielmus Ives, Antonius Holt, Simon Carrington et Colin Mason.

Nexus interni

• La Guerre (Janequin)
• King's Singers

Eget haec commentatio nexum Wikidata. Quem adde si potes.