Lucius Caecilius Metellus Dalmaticus

E Vicipaedia
Salire ad: navigationem, quaerere

Lucius Caecilius Metellus Dalmaticus (natus circa annum 160 a.C.n., mortuus anno 103 a.C.n.) vir publicus Romanus factionis optimatium fuit.

Gens[recensere | fontem recensere]

Pater eius Lucius Caecilius Metellus Calvus anno 142 consul fuit. Habuit tres liberos: Lucium Caecilium Marcellum consulem anni 68 a.C.n., Marcum Caecilium Metellum praetorem anni 69 a.C.n. atque Caeciliam Metellam, quae primo Marco Aemilio Scauro (consuli 115 a.C.n.), deinde Sullae nupsit[1].

Cursus honorum[recensere | fontem recensere]

Metellus, qui fautor optimatium et inimicus Gaii Marii erat, anno 119 a.C.n. una cum Lucio Aurelio Cotta consul electus est atque bellum in Dalmatia suscepit. Anno 117 a.C.n. de Dalmatis triumphavit. E praeda aedes Castoris refici iussit[2] et templum Opis Opiferae aedificavit[3]. Forsitan anno 115 a.C.n. censor erat (nisi potius fuit Lucius Caecilius Metellus Diadematus, consul anni 117 a.C.n.). Anno 114 a.C.n. pontifex maximus iudicium rexit contra Vestales tres incesti accusatas[4]. Anno 103 a.C.n. mortuus est.

Bibliotheca[recensere | fontem recensere]

  • Carolus-Ludovicus Elvers, "[I 24] C. Metellus Delmaticus, L." in Der Neue Pauly vol. 2 (Stutgardiae: Metzler, 1997. ISBN 3-476-01472-X) col. 888–889.
  • J. Van Ooteghem, Les Caecilii Metelli de la République, Bruxellis : Palais des Académies, 1967.

Notae[recensere | fontem recensere]

  1. Plutarchus, Sylla VI.
  2. Plutarchus, Pompeius 2,8; Marcus Tullius Cicero, Pro Marco Aemilio Scauro 48
  3. Gaius Plinius Secundus, Naturalis historia XI 174
  4. Quintus Asconius Pedianus 45-46


Antecessores:
Gaius Papirius Carbo et Publius Manilius
Consul
119 a.C.n.
cum
Lucio Aurelio Cotta
Successores:
Quintus Marcius Rex et Marcus Porcius Cato