Lophophorata
Lophophorata est superphylum ad quod animalia lophophorum possidentia pertinent, tria scilicet phyla: Brachiopoda, Bryozoa et Phoronida[1].
Lophophorus est corona tentaculorum cavum interius coelomaticum habens; ad respirandum et ad vescendum animalibus servit, qui tentaculis lophophori utuntur ad colligendas particulas parvas quae in aqua maris inveniuntur.
Nomen Lophophoratorum ad substituendum loco Tentaculatorum Elisabetha Henrietta Hyman zoologa Americana introduxit[2]. Nomen Tentaculatorum, etiamsi nonnumquam ad idem superphylum significandum sumitur, reapse primo ad classem Ctenophororum designandam a Ioanne Frederico Gustavo von Eschscholtz creatum est, postea vero a Bertholdo Hatschek ad Brachiopoda, Phoronida, Bryozoa (=Ectoprocta) et Kamptozoa (=Entoprocta) includenda usum est[3].
In stratis Cambricis Lophophorata basalia inventa sunt, characteres Brachiopodorum et Phoronidorum simul exhibentes[4]. Lophophorata autem pars Lophotrochozoorum sunt.
Notae[recensere | fontem recensere]
- ↑ Gonzalo Giribet, Gregory D. Edgecombe, The invertebrate tree of life, Princetoniae–Oxonii: Princeton University Press, 2020, ISBN 9780691170251.
- ↑ L.H. Hyman, The Invertebrates. Volume V: Smaller coelomate groups, Novi Eboraci–Londini–Toronti: McGraw-Hill, 1959 LCCN 40-5368
- ↑ Berthold Hatschek: Lehrbuch der Zoologie, eine morphologische Übersicht des Thierreiches zur Einführung in das Studium dieser Wissenschaft. Ienae: Fischer, 1888.
- ↑ Jin Guo et al. (2022) A Cambrian tommotiid preserving soft tissues reveals the metameric ancestry of lophophorates. Current Biology, 32 (21): 4769–4778.e2 lege hic