Iulius Barbier

E Vicipaedia
Jump to navigation Jump to search
Iulius Barbier circa annum 1896

Iulius Paulus Barbier (Lutetiae natus die 8 Martii 1825; mortuus est 16 Ianuarii 1901) fuit scriptor Francicus praecipue fabularum scaenicarum et libellorum auctor.

Vita[recensere | fontem recensere]

Die 16 Ianuarii 1901 tamquam tiro feliciter dramate suo in versibus »Un poète« (1847) eventum magnum habuit. Advenerunt varia dramata in modum Francicum classicum concinnata; cum aliis multas tragoedias, comoedias, carmina vallevirensia confecit quorum citemus »Jenny l'ouvrière« (1850) et »La loterie du mariage« (comoedia versificata, 1868).

Postea autem una cum famulo Michaele Carré homo libellorum in Theatro operae comicae institutus est genus Graecum introducens, quando anno 1852 opus »Galathée« (Victore Massé musicographo) produci iussit. Inter libellos notissimos inveniuntur »Psyché« (1857, Ambrosio Thomas musicographo); »Le pardon de Ploërmel« (1859, Meyerbeer musicographo); »Philémon et Baucis«, »Faust«, »Roméo et Juliette«, »La reine de Saba« et »La Colombe« (Carolo Gounod musicographo); »Mignon«, »Hamlet«, »Françoise de Rimini« (Thomas musicographo); »Les noces de Jeannette« (Massé musicographo).

Dramati titulato »Jeanne d'Arc« (Gounod musicographo) anno 1873 in Theatro Gaité valde plausum est, quod ab anno 1890 auctum est Sara Bernhardt actrice in Theatro ad Portam Sancti Martini. Minus autem placuit spectatoribus anni 1896 tragoedia historica »Lucile Desmoulins«. Opus eius »Théâtre en vers« duobus in tomis anno 1879 in lucem prolatum est; in anthologia »La Gerbe« anno 1884 poemata cuncta ex anno 1842 legi potuerunt. Anno 1898 praemium Legioni Honoris reddidit ut Aemilio Zola in rebus prodreyfusianis J'accuse...! succurreret.

Nexus externi / Opera selecta[recensere | fontem recensere]