Insulae Crozet

Insulae Crozet^[1] sunt archipelagus Oceano Indico medio situs. Pars Terrarum australium antarcticarumque Francicarum est (ab anno 1955).

Archipelagus[recensere | fontem recensere]

Sex insulae maiores in archipelgo sunt, multis insulis minoribus er saxis circumcinctae. Quattuor insulae gregem occidentalem componunt:

Insulae Apostolorum (Francogallice Îlots des Apôtres) duae, Maior et Minor, freto tenui separatae;
Insula Porcorum (Île aux Cochons; porci a nautis saeculo XVIII in insulam emissi ita multiplicabantur, ut insulam laedent; saeculo XX exstincti sunt);
Insula Eudyptorum (Île des Pingouins).

Ad orientem duae magnae insulae iacent:

Insula Possessionis (Île de la Possession), archipelagi maxima;
Insula Orientalis (Île de l’Est).

Natura et incolae[recensere | fontem recensere]

Insulae sunt saxosae et montanae; imber circa 300 dies per annum cadit et venti perpetui fortissimi flant. Glaciaria absunt, sed humus in saxis insularum Croset exiguus et minime fertilis est'; arbores et fritices absunt, solum herba et musci crescunt, vel saxa nuda totum annum manent. Eudyptes chrysolophus, Aptenodytes patagonicus, phocae, procellariae, diomedeae abundant.

Incolae absunt; sola statio exploratoria Alfredus Faure (nomine primi directoris appelata) in insula Possessionis laborat.

Historia[recensere | fontem recensere]

A Marco Iosepho Marion Dufresne nauta Francogallico insulae anno 1772 primum inventae sunt; Dufresne eis nomen administri sui Iulii Crozet dedit. Iacobus Cook in circumnavigatione sua tertia ad insulas visitavit. Piscatores, qui phocas et balaenas capiebant, saeculo XIX et XX naves appellabant.