Etiam mensas consumimus

"Heus! Etiam mensas consumimus" sunt verba divina ab Ascanio dicta, quo tempore Troiani, duce Aenea, primum in Italiam advecti et ad litora sedentes cenam exiguam sumpserunt; mensis enim carentes victualia in panes posuerunt panesque ipsos tandem ederunt. Aeneas statim omine recognito

continuo "Salve fatis mihi debita tellus

vosque" ait "o fidi Troiae salvete penates:

hic domus, haec patria est."

Haec verba patris etiam saepius citantur. Aeneas in mente habet prophetiam Celaenus Harpyiae, quae talia praedixerat:

"Italiam cursu petitis, ventisque vocatis

ibitis Italiam portusque intrare licebit;

sed non ante datam cingetis moenibus urbem

quam vos dira fames nostraeque iniuria caedis

ambesas subigat malis absumere mensas."

Plura legere si cupis

• Brent Vine, "An Umbrian-Latin correspondence" in Harvard Studies in Classical Philology vol. 90 (1986) pp. 111-127 (Paginae selectae apud Google Books)
• Robert J. Rabel, "The Harpies in the "Aeneid"", The Classical Journal, 1985: 317-325
• H. W. Stubbs, "Vergil' s Harpies: a study in Aeneid III (With an addendum on Lycophron, "Alexander" 1250-2)", Vergilius, 1998: 3-12

Nexus externi

• "La prophétie dans l'Enéide ou le futur du passé: I. Les tables comestibles"

Nexus interviciales de hac re usque adhuc absunt. Adde versiones barbaras, si reppereris.