Hegesippus (orator)
Hegesippus (Graece Ἡγήσιππος), Hegesiae filius e Sunio, fuit orator Atheniensis quarti saeculi a.C.n. eiusdem factionis atque Demosthenes. Macedonum regis inceptis maxime adversabatur et societates inter Graecas civitates adversus eum componebat. Hegesippi fuisse orationem de Halonneso in corpore Demosthenico traditam multi historici moderni putant, Libanium[1] non Dionysium Halicarnasseum secuti.
Quid de eo acceperimus[recensere | fontem recensere]
Iam anno 357/6 auxilium Eretriensibus poscit[2]. Aeschines eum cognomine hypocoristico designabat Κρώβυλος (hoc est "Apex", ut ita dicam, vel "Crista", ad ornatum capillorum alludens) ut qui cum fratre in iudicio de Timarcho ei adversabatur[3] atque anno 356 a.C.n. societatem cum Phocis Atheniensibus suaserat[4]. Anno 343 ad Philippum de insula Halonneso reddenda legatus mittitur nec quicquam ab eo impetrat atque postea Peloponnesum cum Demosthene circumit qui civitates Graecas a societate Philippi deterreret[5]. Anno 338/7 decretum in honorem Phormionis et Karphinae tulit[6]
Notae[recensere | fontem recensere]
- ↑ In argumento orationis.
- ↑ IG II 125.
- ↑ In Timarchum 64, 71, 110.
- ↑ In Ctesiphontem 118. Cf Demosthenes, De falsa legatione 72-74.
- ↑ Tertia Philippica 72.
- ↑ IG II(2) 237 Textus Cf De Corona 75
Editiones et commentarii orationis de Halonneso[recensere | fontem recensere]
- Loeb classical library online.
- Collection des Universités de Franceː Maurice Croiset, Harangues. Tome II, Les Belles Lettres, 1925
- Commentarius Latinusː Hegesippi oratio de Halonneso : secundum codd. mscr. recognita. Prolegomenis annotatione critica et commentariis illustrata ab Ioanne Theodoro Voemelio, Francofurti, 1833
Plura legere si cupis[recensere | fontem recensere]
- Ioannes Theodorus Voemelius, Ostenditur Hegesippi esse orationem de Halonneso, Francofurti, 1830
- Joahannes Engels in Der Neue Pauly