Hangtown fry

E Vicipaedia
Jump to navigation Jump to search
Hangtown burger: ostreae frictae, baco, ova molita (i.e. Hangtown fry) quibus adduntur frustum bubulum, eruca, pastillo paniceo circumposito et liquamine capsicorum Sriracha adsperso

Hangtown fry est ferculum Placerville in oppido Californiae inventum: quod oppidum eo aevo "Hangtown" nuncupabatur. Ibi anno 1849, prospectoribus multis fodinas excavantibus, quidam rem prospere gerens oppidum petivisse ferculumque quam luxuosissimum parari imperavit:

A well-heeled miner who has been panning a rich sand bar for several weeks and eating his own sorry cooking came into the Cary House and demanded: "What is the most expensive meal you serve to a hungry man for breakfast?" He was told that fresh eggs, then selling for about a dollar apiece and hard to get, was considered the No. 1 breakfast, or that a breakfast of fried oysters might be considered a first line delicacy. "Well, give me three or four eggs and put in some oysters," the miner said, "And throw in a couple slabs of bacon, too" ("Dives prospector, syrtem fluvialem plures hebdomadas cribro perscrutatus ciboque a se pessime parato nutritus, in deversorium Cary House receptus "Quo ferculo divitissimo" clamavit "hominem fame percussum ientaculum praebes?" Cui responsum est ova recentia, eo tempore difficilia repertu, dollario fere quaeque venditata, ientaculorum optimum reputari, nisi patella ostrearum frictarum ientaculum primae aciei aestimatum esset. "Infer mihi ergo" ait prospector "ova tria vel quattuor: adde eis ostreas plures; iniice insuper iugum frustorum baconis.")[1]

Ferculum etiam hodie in Placerville celebratur; Franciscopoli apud Tadich Grill iam centum et sexaginta annos proposita est. His diebus frustula duo vel tria baconis friguntur, quibus denuo ostreae adduntur; ova ad ultimum super omnia confringuntur.

Notae[recensere | fontem recensere]

  1. "Oakland Mayor, Visiting Newspapermen, Other Dignitaries to Sample 'Hangtown Fry' Breakfast" in Mountain Democrat (19 Iulii 1951) p. 12 col. 3

Bibliographia[recensere | fontem recensere]

  • 1941 : M. F. K. Fisher, Consider the Oyster. Duell, Sloan and Pierce ("Hang Town fry")

Nexus externi[recensere | fontem recensere]