Gentilitas

E Vicipaedia
Jump to navigation Jump to search

Gentilitas est coniunctio gentilium, sc. eorum qui eiusdem gentis aut nationis sunt; per transnominationem etiam ipsos gentiles significat: "sparsas atque, ut ita dicam, laceras gentilitates [= gentiles] colligere atque conectere."[1] Per translationem gentilitas etiam ad indicandam communionem nominis accipitur: "Herbam quoque Graeci erinon vocant, reddendam in hoc loco propter gentilitatem."[2]

Scriptores Christiani vocabulis gentes et gentilitas adhibent ad nationes non Iudaeos appellandas (sic Hebraicum גּוֹי gôwy et Graecum ἔθνος reddentes).[3] Aliquando sensus alios accipit, videlicet gentes praeter Iudaeos et Christianos, gentes non Romanos, vel paganos significans. Mormones gentiles appellare solent omnes qui non sunt membra eorum ecclesiae.

Notae[recensere | fontem recensere]

  1. Plin., Pan. 39.
  2. Plin., Nat. 23.131.
  3. Saepe in versione Vulgata; vide etiam Lact. 2.13 fin.
Bullet yellow.png Eget haec commentatio nexum Wikidata. Quem adde si potes.