Et tu Brute
![](http://upload.wikimedia.org/wikipedia/commons/thumb/e/eb/Vincenzo_Camuccini_-_La_morte_di_Cesare.jpg/330px-Vincenzo_Camuccini_-_La_morte_di_Cesare.jpg)
Καὶ σὺ τέκνον fuisse traditur sententia ultima a Gaio Caesare dicta die 15 Martii 44 a.C.n., cum inimici in Curia eum gladiis aggressi sunt. Suetonius enim refert: "Atque ita tribus et viginti plagis confossus est uno modo ad primum ictum gemitu sine voce edito, etsi tradiderunt quidam Marco Bruto irruenti dixisse: Καὶ σὺ τέκνον;"[1] Similiter et Dio Cassius: "traditione verissima fertur Caesarem nihil omnino dixisse; aliquos autem tradere eum his verbis Brutum interpulsisse, Καὶ σὺ τέκνον;"[2]
![](http://upload.wikimedia.org/wikipedia/commons/thumb/6/6c/Et_tu_Brute_first_folio.jpg/220px-Et_tu_Brute_first_folio.jpg)
![](http://upload.wikimedia.org/wikipedia/commons/thumb/1/12/Jean-L%C3%A9on_G%C3%A9r%C3%B4me_-_The_Death_of_Caesar_-_Walters_37884.jpg/330px-Jean-L%C3%A9on_G%C3%A9r%C3%B4me_-_The_Death_of_Caesar_-_Walters_37884.jpg)
Versio Latina in tragoedia Shakespeariana Iulius Caesar enuntiatur versu bilingui "Et tu Brute? — Then fall Caesar."[3] Quae verba Shakesperius in scriptis anterioribus reppererat, sicut in ludo Ricardi Eedes Caesar interfectus inscripto, Latine anno 1582 docto.[4] Alia forma, "Tu quoque, fili mi?" in opere C. F. Lhomond De viris illustribus legitur.
Notae
[recensere | fontem recensere]- ↑ Gaius Suetonius Tranquillus, De vita Caesarum Jul.82.3.1.
- ↑ Dio Cassius, Historia Romana 44.19.5 (conversio Vicipaediana).
- ↑ Gulielmus Shakesperius, Iulius Caesar act. 3 sc. 1 v. 77.
- ↑ Dyce, Alexander (1866). The Works of William Shakespeare. Londinii: Chapman and Hall. p. 648