Dominica Trinitatis

Latinitas bona
E Vicipaedia

Dominica Trinitatis sive (in Calendario Romanae Ecclesiae) Sanctissimae Trinitatis Sollemnitas est dominica post Pentecosten.

Festum circa annum 1000 in monasteriis Benedictinis Franciae ortum anno 1334 a Ioanne XXII papa in Calendarium Romanae Ecclesiae introductum et venerationi Sanctissimae Trinitatis dedicatum est. Hoc festo dogma, quod a Concilio Nicaeno Primo (325) definitum est, liturgice explicatur.

Cum sit secundae anni liturgici partis initium, cui sunt paucae sollemnitates, Protestantes dominicas a dominica Trinitatis incipientes usque ad finem anni liturgici computant (dominica post Trinitatis).

In Ecclesiis Orthodoxis Pentecoste festum Trinitatis habetur; dominica post Pentecosten ibi Festum Omnium Sanctorum celebratur.

Bibliographia[recensere | fontem recensere]

  • Karl-Heinrich Bieritz (1994): Das Kirchenjahr. Monaci 1994, p 143
  • Alle heiligen Zeiten. Lieder und Texte im Jahreskreis. Atzenbrugg 2010

Nexus externi[recensere | fontem recensere]

  • Commentatio Trinitatis in: Austria-Forum (Theodisce)