Dadhi

E Vicipaedia
Jump to navigation Jump to search
Dadhi (iogurtum Indicum) sicut in patera fictilis in Manipur offertur

Dadhi (nomen Sanscriticum: scriptura devanagari दधि) est iogurtum sicut in India fieri solet. In India hodierna dadhi vel iogurtum e lacte boum, caprarum, bubalorum provenit. Linguis vernacularibus Indicis iogurtum Hindice दही dahī, Tamulice தயிர் tayir appellatur.

Dadhi ope bacteriorum Lactococci lactis, Streptococci diacetylactis, S. cremoris aliorumque producitur, atque interdum ope specierum quae ad iogurtum traditionis Turcici seu Bulgarici adhibentur (Lactobacilli delbrueckii subsp. bulgarici et Streptococci thermophili.

Lingua Sanscrita dadhi iam millennio II a.C.n. carminibus Rigvedae saepe commemoratur, postea et libris classicis medicis Carakasaṃhitā (fortasse saeculi III) et Suśrutasaṃhitā (fortasse saeculi IV) necnon carmine didactico Aṣtāngahṛdayasaṃhitā (fortasse saeculi VI).[1]

Dadhi in fabula populari Buddhistica quadam, in Jātaka servata, refertur, ubi cibus nutritivus salutarisque necnon magicus esse praetenditur.[2]

Religione Hinduica dadhi in mixtura rituali pañcagavya ("quinque producta bovina")[3] et categoria mythica pañcāmṛta ("quinque alimenta immortalia") comprehenditur; religione Iainorum inter quattuor lacticinia enumeratur.

Notae[recensere | fontem recensere]

  1. Aṣtāngahṛdayasaṃhitā 5.29-30 versio Anglica: Of sour digestion and taste, constipating, heavy, (and) warming (are) curds [viz., dadhi]; (they are) destructive of wind (and) generative of fat, sperm, strength, phlegm, hemorrhage, (gastric) fire, and cutaneous swellings. (As they are) appetizing, (they are) commended in anorexia, cold irregular fever, catarrh, and strangury; skimmed, however, in dysentery.
  2. Jātaka 186 Versio Anglica interretialis
  3. Śivapurāṇa 1.16.111-112 versio Anglica

Bibliographia[recensere | fontem recensere]

Searchtool.svg Si plus cognoscere vis, vide Iogurtum#Bibliographia
Historica
  • K. T. Achaya, Indian food: a historical companion (Dellii: Oxford University Press, 1994) p. 35 et passim ("curds")
  • Alfred Hillebrandt, Vedische Mythologie. Vol. 1: Soma und verwandte Götter (Breslau, 1891) pp. 219-222
  • A. A. Macdonell, A. B. Keith, Vedic index of names and subjects (Londinii: Murray, 1912) vol. 1 p. 338, vol. 2 pp. 477-478
  • Om Prakash, Economy and food in ancient India. Part 2: Food. Dellii: Bharatiya Vidya, 1987; 1a ed., titulo Food and drinks in ancient India (1961) pp. 37-38, 174
  • P. T. Srinivasa Iyengar, Pre-Aryan Tamil Culture (Maderaspatani: University of Madras, 1930) p. 61
Anthropologica
  • Mahadev L. Apte, Judit Katona-Apte, "Religious Significance of Food Preservation in India: milk products in Hinduism" in A. Riddervold, A. Ropeid, edd., Food conservation (Londinii: Prospect Books, 1988) pp. 89-96
  • Ranjita Rai, H. Nakibapher Jones Shangpliang, Jyoti P. Tamang, "Naturally fermented milk products of the Eastern Himalayas" in Journal of Ethnic Foods vol. 3 (2016) pp. 270-275
Microbiologica
Praecepta
  • 1911 : Robert H. Christie, Banquets of the Nations: eighty-six dinners characteristic and typical each of its own country (Edinburgi: Gray) p. 331 ("Nepal: Dahi")

Nexus externi[recensere | fontem recensere]

Commons-logo.svg Vicimedia Communia plura habent quae ad dadhi spectant.