Constans Boltzmanniana
Constans Boltzmanniana (kB notata) in physica est constans proportionalitatis quae energiam thermicam mediam particularum cuiuscumque materiei et temperaturam thermodynamicam eiusdem materiei nectit. Adhibetur in lege Planckiana(en) de radiatione corporis nigri(en), in aequatione Boltzmanniana entropiae(en), atque in ipsis definitionibus gradūs kelvini et constantis gasium(en). Nomen in honorem physici Austriae Ludovici Boltzmann (1844–1906) electum est, qui, Maximiliano Planck memorante,[1] primus, suā theoriā gasium, nexum logarithmicum inter entropiam et probabilitatem invenit.
Tamquam entropia, sic constans Boltzmanniana dimensiones habet energiae temperaturā fractae (E Θ−1). Secundum unitates primarias Systematis internationalis unitatum, ei congruunt (exacte) 1.380649×10−23 J K−1.[2] Secundum nonnulla systemata unitatum naturalium(en)(d) (e.g. secundum unitates Planckianas), constans Boltzmanniana partem numeralem habet unius (e.g.: kB = 1 lP2 mP tP−2 TP−1).
Notae[recensere | fontem recensere]
- ↑ Maximilianus Planck (1914). The theory of heat radiation. Videatur sub aequatione 164, p. 119.
- ↑ Newell, David B.; Tiesinga, Eite (2019). The International System of Units (SI). NIST Special Publication 330. Gaithersburg, Maryland: National Institute of Standards and Technology
Nexus interni
- Constans Coulombiana
- Constans gravitatis
- Entropia
- Energia
- Particula elementaris
- Temperatura
- Unitates Planckianae
- Unitates Stoneyanae
 |