Apurimacum[1] est magnum flumen Peruvianum, quod per regiones Arequipensem, Cuscensem, Apurimacensem, Aiacuchensem, Iuninensem et Ucayalensem fluit. E lacu Vilafro exoritur et per Andes altiores in cannonibus profindis paene totum fluxum it. Tributario Mantaro accepto apud indigenas nomen Ene accipit et tributario Perene accepto nomen Tambo. Longitudinem circa 1250 chiliometrorum habet, et, cum flumine Urubamba confluens, flumini Ucayali initium dat. Saepe et fluvii Ucayali et fluvii Amazonum ipsius (qui ab Ucayali et Maranonii confluentia oritur) pars superior putatur.