Apparatus tympanorum

E Vicipaedia
Salire ad: navigationem, quaerere
Apparatus tympanorum.
Apparatus in grege musico rockico.

Apparatus tympanorum (Anglice: drum set) est hodiernum instrumentum musicum quod in collectione tympanorum cymbalorumque constat. Saepissime virgulis pulsatur, raro autem et manibus. Apud greges musicos generum variorum apparatus tympanorum rhythmum vimque concentui confert, et quidem gravis in musica rockica et metallica est. Primum saeculo undevicesimo exeunte greges hoc instrumento uti coeperunt.

De apparatus partibus[recensere | fontem recensere]

Generaliter comprehendit apparatus tympana circiter quinque quae sonum gravem producunt et cymbala usque ad quattuor, quae contra sonum stridulum emittunt. Notandum apparatibus quibusdam etiam partes plures esse posse, tympanis cymbalisque variis magnitudine additis. Partibus Latine fere haec adhiberi possunt nomina:

  • Tympanum grave (Anglice: bass drum), terra positum, pedis pressione actum;
  • Tympanum trepidum (Anglice: snare drum), tripode sustentum;
  • Tympana minora (Anglice: toms), super tympanum grave posita;
  • Tympanum maius (Anglice: floor tom), tripode sustentum;
  • Cymbalum strepitans (Anglice: crash cymbal et ride cymbal), tripode sustentum, virgula manu tenta percussum;
  • Cymbalum duplex (Anglice: hi-hat), tripode sustentum, ambabus pedis pressione et virgula autem actum.

Quomodo instrumentum canitur[recensere | fontem recensere]

Nigrae virgulae e fibra carbonica.

Assidit tympanista in medio apparatu, ita ut tympanum trepidum iuxta se habeat, et virgulis cum ligneis cumve pedibus secundum rhythmum elementa percutit. Partes alterae enim, scilicet tympanum trepidum et tympana maiora minoraque virgulis percutendae sunt, alterae vero pedum pressione, in iis tympanum grave et cymbalum duplex.

Tempore hodierno inventus est apparatus tympanorum tote electronicus, in quo tympana cymbalaque vera subsituta sunt ab instrumentis materiei syntheticae polymericae, quae sane reproducunt sona instrumentorum manualium, sed magnitudo soni temperari potest.

Hodie multis in generibus praeter rock et metallum tympanistae operam dant, scilicet in musica populari, iaze et blues, diversas percussiones secundum concentum praebentes. Etiam virgulis variis musici uti possunt: exstant enim graviores et leviores, lingneae aut metallicis lamellis compositae, usui postremo omni aptae.

Nexus externi[recensere | fontem recensere]

Commons-logo.svg Vicimedia Communia plura habent quae ad Apparatum tympanorum spectant.