Amarum Peychaud

Ampulla amari Peychaud a pharmacista Antonio Amedeo Peychaud primum inventi

Amarum Peychaud, Anglice Peychaud's bitters, est elixir amarum in potionibus mixtis adhibitum. Ab Antonio Amedeo Peychaud medio saeculo XIX inventum est, qui ad viam rue Royale prope Sazerac Coffee House pharmacista merebat. Ibi a principio amarum Peychaud cum spiritu Cognacensi societatis Sazerac de Forge & Fils in potionibus mixtis propositum est: cui potioni nomen Sazerac cocktail ("gallicauda Sazerac") datum est.

Impensa principalia gallicaudae Sazerac apud Sazerac House Novae Aureliae monstrata

Antonius Amedeus Peychaud Dominicopoli (eo aevo colonia Francica, hodie rei publicae Dominicianae caput) anno 1803 natus est, proles Francici e Burgo supra mare prope Burdigalam emigrati. Ipse etiam puer in Ludovicianam advenerat. Novae Aureliae anno 1883 mortuus est.

Amarum Peychaud e radice gentianae cum aliis aromatibus componitur. Recenter a societati Sazerac Company venundatur.

Bibliographia

• Stanley Clisby Arthur, Famous New Orleans drinks and how to mix 'em. Novae Aureliae: Harmanson, 1937 Textus; editio 1939
• Philip Greene, "Antoine Amedee Peychaud, Pharmacist and New Orleans Cocktail Legend" in Mixologist: Journal of the American Cocktail (2005) pp. 113-146
• Philip Greene, "Peychaud's bitters" in David Wondrich, Noah Rothbaum, edd., The Oxford Companion to Spirits and Cocktails (Novi Eboraci: Oxford University Press, 2021. ISBN 978-0-19-931113-2) pp. 535-536
• Brad Thomas Parsons, Bitters: a spirited history of a classic cure-all. Berkeleiae: Ten Speed Press, 2011
• David Wondrich, Imbibe! From Absinthe Cocktail to Whiskey Smash, a Salute in Stories and Drinks to "Professor" Jerry Thomas, Pioneer of the American Bar (2a ed. Novi Eboraci: Perigee, 2015. ISBN 978-0-399-53287-0) pp. 181-183 (editio 1a: 2007)

Nexus interni

• Amarum ex aurantiis

Nexus externi

• "Peychaud's bitters: the history, flavor, and cocktails" apud All the Bitter
• "Our story" (Sazerac Company)