Adamantius Coraes
Adamantius Coraës (Neograece Ἀδαμάντιος Κοραῆς Adamántios Koraís; natus die 27 Aprilis 1748 Smyrnae in Asia Minore; mortuus die 6 Aprilis 1833 Lutetiae) fuit eruditus et scriptor Graecus aetate Illuminismi. Coraes praecipue litterarum et linguae Neograecae emendator notus est. Et de philosophia politica et libertate religionis scripsit.
Vita[recensere | fontem recensere]
Smyrnae illustrem Scholam evangelicam frequentavit. Regenerator optimus litterarum Graecarum recentiorum a pueritia linguas antiquas modernasque diligens Amstelodami commercialibus, ad Montem Pessulanum autem medicinae et historiae naturali studuit. Anno 1788 Lutetiae laborare coepit. Ecclesiastica, scholastica, scientifica, politica complexus e capite Franciae verbis litterisque incessanter pro Graecia renascitura pugnavit. Praesertim autem, ut idioma populare ad linguam modernam bellam atque naturalem mutaretur, in animo erat.
Valoris maximi pro historia et lexicographia linguae Graecae modernae est eius opus »Atakta, ou mélanges sur la littérature grecque moderne« (Lutetiae 1828–35, in tomis V). Eius notiones politicas autem legere potueris apud »Mémoire sur l'état actuel de la civilisation de la Grèce« (Lutetiae 1803). Insuper autobiographiam (Lutetiae 1829) pepigit. Relicta scripta et epistulae ediderunt Athenis annis inter 1881 et 1891. In Chio lyceum simulacrum marmoreum cum effigie eius habet, quod fecit Antonius Canova. Societas eruditorum nobilissima in Graecia nomen eius portat: Syllogos Koraïs.
Opera selecta[recensere | fontem recensere]
- 1803 : Mémoire sur l'état actuel de la civilisation de la Grèce. Lutetiae 1803; Lipsiae 1822
- 1805 (cum Gossellin et Gabriel de la Porte du Theil) : Géographie de Strabon. 3 voll. (Francogallice)
- 1828-1835 : Atakta, ou mélanges sur la littérature grecque moderne. 5 voll. Lutetiae
- 1881-1887 : Nachgelassenen Schriften und Briefe, Athenis
Bibliographia[recensere | fontem recensere]
- Richard Clogg (1976): The Movement for Greek Independence 1770–1821: A Collection of Documents. Edited and translated and with an introduction by ... Londinii/Basingstoke: The Macmillan Press (Studies in Russian and East European History).
- Richard Clogg (1992): A Concise History of Greece. Cantabrigiae: Cambridge University Press (Cambridge Concise Histories).
- Claudia Hopf (1997): Sprachnationalismus in Serbien und Griechenland: Theoretische Grundlagen sowie ein Vergleich von Vuk Stefanovic Karadzic und Adamantios Korais. Wiesbaden. ISBN 3-447-03953-1.
- Alexandros Papaderos (1970): Metakenosis: Griechenlands kulturelle Herausforderung durch die Aufklärung in der Sicht des Korais und des Oikonomos. Meisenheim am Glan: Verlag Anton Hain.
- Petros Petratos (Πέτρος Πετράτος): Ο Α. Κοραής και η Κεφαλονιά. Η ονοματοδοσία της λέσχης «Μουσείον ο Κοραής» (1843). In: Ο Ερανιστής 25, 2005, p. 281–299.
- Vincenzo Rotolo (1965): A. Korais e la questione della lingua in Grecia. Panormi: Presso l'Accademia (Quaderni dell'Istituto di filologia greca dell'Universita di Palermo).