Ad fontes

E Vicipaedia
Jump to navigation Jump to search

Ad fontes fuit dictum humanistarum Novo Aevo ineunte, quo antiquarum litterarum studia poposcerunt. Anno 1511 Desiderius Erasmus Roterodamus in libello De ratione studii ac legendi interpretandique auctores intitulato scripsit:

Sed in primis ad fontes ipsos properandum, id est graecos et antiquos.[1]

Etiam Philippus Melanchthon anno 1518, cum munus discendi apud Universitatem Leucoream Wittenbergae suscepit, oratione De corrigendis adolescentiae studiis a studentibus postulavit:

Iungendae Graecae litterae Latinis, ut philosophos, theologos, historicos, oratores, poetas lecturus, quaqua te vortas, rem ipsam assequare, non umbram rerum ...[2]

Martinus Lutherus sententia commotus in Bibliis vertendis fontibus Hebraicis Graecisque innixus est.

Notae[recensere | fontem recensere]

  1. Desiderius Erasmus Roterodamus: De ratione studii ac legendi interpretandique auctores, Parisiis 1511, in: Desiderii Erasmi Roterodami Opera omnia, ed. a J. H. Waszink et al., Amstelodami 1971, Vol. I 2, 79-151.
  2. CORPUS REFORMATORUM (CR). MELANCHTHON OPERA. Edidit Carolus Bretschneider, Halle 1834 ss., Vol. XI, p. 22.