Vedastus Franciae (Dux Aurelianensis)

E Vicipaedia
Salire ad: navigationem, quaerere
Vedastus Franciae, Dux Aurelianensis

Vedastus Johannes Baptista Franciae, Dux Aurelianensis (Francogallice: Gaston Jean Baptiste de France, Duc d'Orléans) (25 Aprilis 1608 Fonti Bleaui - 2 Februarii 1660 Blesis) tertius filius regis Franciae Henrici IV et uxoris eius Mariae Medicaea fuit. Propterea frater veterior suus Ludovicus XIII et Ludovici XIV Vedastus ipse patruus erat et appellatione solemni in curia regia "Domnus meus" (Francogallice: Monsieur) nominatus est.

Natus dux Andegavorum (Francogallice: Duc d'Anjou) Vedastus accepit ducamina Aurelianensis Carnotenaeque et comium Blesarum anno 1626 eo tempore nuptiarum primarum eius. Post conubii nonas menses uxor prima Maria Borbonia, Ducissa Monpenserii, dives heres ducum Guisii genuit filiam, sed mox postea mater mortua. Filia illa autem Anna Maria Ludovica Aurelianensis crevit factaque praeclara mulier est, heroina Fundae (Francogallice: la Fronde) et patruelis Ludovici XIV. Anno 1632 Vedastus duxit in matrimonium uxorem secundam Margaritam Lotharingiae, quae peperit quatuor filias et unum filium. Filius solus et una e filiabus in infantia sua mortui sunt.

Variis temporibus Vedastus in coniuratione contra curiam regiam et consuasores Cardinales Richelieu et Mazarin erat, tunc recedebat in exilium, et postea item frequenter reconciliabat. Anno 1652 novissimum exilium autem erat domesticum ob bellum civile Fundae, et ibidem in exilio Blesis mortuus est anno 1660. Vedasto mortuo, titula sua Philippus frater Ludovici XIV possedit.

Fontes[recensere | fontem recensere]