Te lucis ante terminum

Hymnus Te lucis ante terminum in manuscripto Hispanico anni circa 1625

Te lucis ante terminum est hymnus Christianus saeculi VII qui in completorio, ultimo divino officio Ecclesiae Romanae Catholicae, canitur.

Primum hymni exemplar anno 1632 metri gratiae adaptatum est. Anno 1974 prima versio restituta est, sed in locum strophae mediae duae aliae substitutae sunt.

Ante 1632	Breviarium Urbani VIII (1632)	Breviarium Pauli VI (1974)
Te lucis ante terminum, rerum Creator, poscimus, ut solita clementia sis praesul ad custodiam. Procul recedant somnia et noctium phantasmata; hostemque nostrum comprime, ne polluantur corpora. Praesta, Pater omnipotens, per Iesum Christum Dominum, qui tecum in perpetuum regnat cum Sancto Spiritu. Amen.	Te lucis ante terminum, rerum Creator, poscimus ut pro tua clementia sis praesul et custodia. Procul recedant somnia et noctium phantasmata; hostemque nostrum comprime, ne polluantur corpora. Praesta, Pater piissime, Patrique compar Unice, cum Spiritu Paraclito regnans per omne saeculum. Amen.	Te lucis ante terminum, rerum creator, poscimus, ut solita clementia sis praesul ad custodiam. Te corda nostra somnient, te per soporem sentiant, tuamque semper gloriam vicina luce concinant. Vitam salubrem tribue, nostrum calorem refice, taetram noctis caliginem tua collustret claritas. Praesta, Pater omnipotens, per Iesum Christum Dominum, qui tecum in perpetuum regnat cum Sancto Spiritu. Amen.

Nexus interni

• Stropha Ambrosiana

Nexus externi

• Cantus Gregorianus huius hymni