Ioannes Vsevoložskij

Ioannes Vsevoložskij, praefectus Theatri Mariae.

Ioannes Alexandri filius Vsevoložskij (1835–1909), Russice Иван Александрович Всеволожский, fuit legatus Russicus, praepositus theatri, musicorum dramatum compositor, et vestifex scaenicus. Praepositus theatris imperialibus Petropolis ab anno 1886 usque ad 1899 erat. Praepositus Theatro Mariae Petro Čajkovskij mandavit, ut modos Rosaspinae (1890) et Nucifrangibuli (1892) ballationum componeret, libellosque utriusque ballationis cum Mario Petipa scripsit. Vsevoložskij praeterea indumenta et scaenas dramatibus musicis et ballationibus viginti quinque designavit. Anno 1899 museo Solitario usque ad mortem suam praepositus erat.

Constat Ioannem Vsevoložskij theatro Mariae paepositum ad artem ballandi magnopere contulisse.

Bibliographia

• Craine, Debra & Mackrell, Judith (2010) The Oxford Dictionary of Dance. Oxford University Press.
• Wiley, Roland John (1985) Tchaikovsky's Ballets. Oxford University Press.