Virginia Déjazet

E Vicipaedia
Jump to navigation Jump to search
Virginia Déjazet a Ludovico Richter picta.

Paulina-Virginia Déjazet (nata Lutetiae die 30 Augusti 1798; ibidem mortua die 1 Decembris 1875) fuit actrix theatralis Francogallica.

Sepulcretum suum in Coemeterio Père Lachaise stat.

Vita[recensere | fontem recensere]

Cum annos quinque nata esset iam in Scaenis histrionum iuvenum (Théâtre des jeunes artistes) in pristino Capuccinarum conventu se praesentavit. Partes puellarum puerumque agenti variis in locis plausum est, ut et Burdigalae et Lugduni. Anno 1821 ipsa iuvenes artem histrionalem docere in Gymnasio coepit. Inde venit anno 1834 ad Theatrum Palatii Regii (Théâtre du Palais-Royal) ubi efflorens spectatores vehementer captabat.

Annis inter 1844 et 1849 in sic dictis theatris varietatum membrum erat et ipsa indefessa histrionaliter agebat, etiam extra Lutetiam et Londinii. Anno 1859 ductrix facta est scaenarum "Folies-Dramatiques" quibus nomen "Théâtre Déjazet" dedit. Anno 1868 se a scaenis removit anno 1874 eodem reversura: nam pecuniam emeritorii colligere debuit.

Gravitudo[recensere | fontem recensere]

Mulier vivax et faceta ingenium habet veritatis cum sale enuntiandae, quo neminem vere offendebat. Inter actrices Parisienses aster magnus habebatur. Eius sententias satiricas legere potueris in libro praetitulato »Le perroquet de Déjazet«.

Bibliographia[recensere | fontem recensere]

  • Martin Basse: Virginie Dejazet à Lyon. Éditions de la Guillotière, Lugduni 1960
  • Georges Duval: Virginie Déjazet 1797–1875. Tresse, Lutetiae 1876
  • Louis-Henry Lecomte: Virginie Déjazet. D'après ses papiers et sa correspondance. Vie de l'artiste, Déjazet et ses contemporains, Déjazet amoureuse. J. Tallandier, Lutetiae 1902 (in interreti)
  • Louis-Henry Lecomte: Un amour de Déjazet. Histoire et correspondance inédites, 1834–1844. (= Bibliothèque du vieux Paris). H. Daragon, Lutetiae 1907 (in interreti)
  • Eugène de Mirecourt: Déjazet. (= Les contemporains; 10). G. Havard, Lutetiae 1859 (in interreti)
  • Ernst Pasqué: Virginie Dejazet. Eine Erzählung aus der Pariser Künstlerwelt. R. Eckstein, Lipsiae 1879

Nexus externus[recensere | fontem recensere]

Commons-logo.svg Vicimedia Communia plura habent quae ad Virginiam Déjazet spectant.